(AP) – Vicente Fernandez, e cantante Mexicano hopi stima, cu a ricibi 3 premio Grammy y 9 Latin Grammy y a inspira un generacion nobo di cantante incluyendo su yiu homber Alejandro Fernandez Jr, a fayece riba diadomingo cu 81 aña di edad.
Fernandez tabati conoci pa su hitnan manera “el Rey,” “Volver, Volver” y “Lastima que seas ajena,” y su habilidad den dirigi e estilo musical di ranchera y mariachi a atrae fanaticonan mas leu cu Mexico su frontera.
“E tabata un honor y un gran privilegio di por comparti cu tur hende un carera musical asina grandioso y duna loke mi tur na e audiencia,” Fernandez su famia a publica riba su cuenta di Instagram. “Danki pa boso apoyo y pa boso aplauso continuo, danki pa sigui canta.”
Fernandez, conoci tambe como “Chente,” a fayece 6:15 di mainta na un hospital na e estado Jalisco, segun informacion cu su famia a comparti. Plannan pa su funeral no a keda anuncia. Den augustus, el a sufri un caida serio unda cu el a keda hospitalisa desde e tempo aki pa causa di e caida aki y otro problemanan di salud.
“Un di e artistanan mas importante di cultura popular Mexicano, e simbolo di musica ranchera a fayece. Un miyon mariachi ta compañabo riba bo caminda,” Alejandra Frausto, Mexico su secretario di cultura a publica riba su cuenta di Twitter.
El a señala na e hecho cu Fernandez varios a canta riba dia 12 di december pa marca e comienso di e peregrinahe Catolico na e Basilica di La Virgen de Guadalupe den Ciudad de Mexico, un evento cu ta atrae audiencia grandi. E commemoracion a ser celebra diadomingo pasa despues cu el a keda cancela aña pasa pa causa di e pandemia.
Fernandez a bende mas di 50 miyon record y a aparece den mas di 30 pelicula. Den april di aña 2016, el a bisa ayo na escenario dilanti 85,000 hende den Stadion Azteca na Ciudad de Mexico. Tabatin persona den e audiencia cu a biaha for di varios parti di Mexico, Merca, Colombia y otro paisnan Latino Americano pa e ocasion.
