Diestres persona a perde nan bida diadomingo den un accidente di avion cu candela na aeropuerto Sheremetyevo na Moscu, segun un vocero pa e Comite Investigado Ruso.
E Sukhoi SSJ100, opera pa e aerolinea nacional Aeroflot, tabatin 73 pasahero y cinco miembro di cabina a bordo ora el a aterisa y core riba un pista cubri den candela y huma preto.
Video tabata mustra pasaheronan desespera saltando for di e avion pa cay riba un slide di evacuacion inflabel, y canando riba e tarmac y yerba di e aeropuerto, algun di nan cu nan maleta.
Dos mucha tabata entre e victimanan cu a perde nan vida, e Comite Investigado a bisa. Sikiera seis persona a resulta herida.
E aeropuerto a bisa den un declaracion cu e avion, cu a despega for di aeropuerto Sheremetyevo den e ciudad nort di Murmansk, a bira bek pa motibonan tecnico no specifica, y haci un aterisahe forsa cual a start e candela.
Algun reporte noticiero a cita fuentenan bisando e avion a bula y dal bek abou varios biaha durante e aterisahe. “Investigadonan pronto lo cuminsa entrevista victimanan, testigonan, staf di aeropuerto y e carrier di aerolinea, como tambe otro personanan responsabel pa operacion di e aeronave”, vocero di e comite investigado, Svetlana Petrenko, a bisa.
E SSJ100, tambe conoci como Superjet, ta un jet regional di dos motor poni den servicio na 2011, como un señal cu e industria aerospacial problematico di Rusia tabata mehorando.
E avion ta wordo uza principalmente como reemplaso pa un avion anticua di era Sovietico, pero tambe ta uza pa aerolineanan na otro pais, incluyendo Armenia y Mexico.
Esaki ta e di dos accidente fatal involucrando e avion. Na 2012, un vuelo di demostracion na Indonesia a dal un sero, matando tur 45 persona a bordo.
