E cancer den cervix ta e di dos causa di mortalidad den hende muhe, despues di cancer di pecho, y ta ser diagnostica frecuentemente entre 30 pa 40 aña di edad.

Sinembargo, e por ser evita pa via di detecta na tempo e virus di Papiloma Humano (VPH) cual ta obtenibel ora di tin relacion sexual cu personanan infecta.

E ta sumamente importante pa hende muhenan cu ta sexualmente activo, haci un consulta anual cu un ginecologo, pa motibo cu por detecta e virus hopi lihe cu un colposcopia. E VPH ta manifesta su mes cu lesion nan na e cervix den forma di un coliflor y no ta presenta sintoma, cual ta haci cu e unico manera di por detecta e virus aki ta pa medio di un examen ginecologico. Di mesun manera, ta recomenda na parehanan di utilisa metodonan anticonceptivo manera condom pa evita no solamente un embaraso no desea, sino tambe e contagio di e virus VPH.

Ta existi dos tipo di cancer di cervix y esun mas comun na Venezuela cu un 90% ta esun cu ta forma cu ayudo di e agente mas importante, e virus VPH. E otro, ta presenta internamente den e cervix y hopi biaha ta relaciona cu sigaria y/of otro agentenan kimico.

E informacion a wordo suminsta pa Dokter Luisa Suarez ken ta oncologo radioterapeuta na Centro Diagnostico Docente (CDD) na Las Mercedes, cual ta dirigi pa Dr. Wilson Mourad, un medico specialisa den via nan digestivo, ken su centro ta orienta na tin e miho tecnologia pa asina por provee tratamento nan exitoso pa cu cancer.

Actualmente ta existi tratamento nan convencional pa e enfermedad aki. Suarez a splica cu tin un procedemento nobo cu ta haci pa via di haci uso di imagen nan di bon calidad, cual ta obteni pa medio di resonancia nan magnetico unda cu ta haci un tomografia of Pet/Ct scan cual ta permiti yega na e cervix y su areanan di riesgo cu precision.

Dokter Luisa Suarez a aclaria cu den cierto caso, tin e posibilidad di baha e cantidad di exposicion di e partinan sano y retira nan di e area cu lo ricibi radiacion na momento di ricibi tratamento, cu e meta di tin menos complicacion pa motibo cu e tratamento nan por bira mas largo.

Despues di e radioterapia externo, ta recomenda implantenan den e cervix of braquiterapia, cual ta ora ta pone un simia radioactivo den contacto cu e parti unda e tumor ta situa, cual ta duna control di e enfermedad pa medio di aumenta e dosis di radiacion cu e simia ta transmiti na e tumor.

Pa finalisa, mi ta recomenda e muhenan realisa nan consulta anualmente, pa motibo cu cancer den cervix, aunke e ta un enfermedad cu ta tuma hopi bida mundialmente, ta un enfermedad cu por ser preveni.