E marihuana (weed) ta caro, e seleccion ta limita, mercado preto ta persisti y tiendanan licencia ta scars.

Un aña despues di Canada su experimento pa legalisa marihuana centenares di tienda unda por cumpra esaki a habri. Mientras hopi residentenan ta orguyoso cu Canada a kita prohibicion, hopi Canades ainda ta cumpra cannabis di mercado preto, pasobra cu impuesto cannabis di calidad halto ta bira casi dobel e prijs prome cu a introduci e legislacion.

E meta principal di legislacion ta kita e mercado di gruponan peligroso manera Hell’s Angels, reemplasando criminalidad cu luganan di benta regula y sigur. Sinembargo e benta den prome aña ta premira di yega na un total di 1 biyon dollar Canades, mientras e mercado ilegal ainda ta parce di ta balora entre 5 pa 7 biyon dollar.

Jeremy Jacob, doño di Village Bloomery, un tienda di cannabis cu parce mas manera un gift shop di museo, a bisa cu ‘un cliente a yega di bisa mi cu e stima mi y kier apoya mi, pero cu e no por cumpra tur su cannabis aki. E ta mucho caro’.

E nacion Norte Americano no ta mira un subida den coremento di auto bou influencia, ni uzo bou hobennan menor di edad desde cu el a join Uruguay como e unico paisnan pa legalisa y regula benta di cannabis na adultonan, cual den mayoria provincia ta consisti di personanan di 19 aña di edad.

Maske varios pais a bishita Canada pa mira con nan mes por ahusta nan legislacion di cannabis, oficialnan ta indica cu legislacion ta un proceso, no un evento. Tin varios cos cu no ta bay bon cu e legislacion ainda y ta purbando lentamente drecha esaki, manera rekisitonan di paketa cu ta gasta hopi recurso, calidad variabel, hasta e manera con slow tiendanan rond e pais ta haya nan licencianan.

Pa loke ta trata e ultimo aspecto, pasobra gobierno federal a duna cada provincia un tiki espacio pa determina regulacion manera con ta distribui, tin provincianan cu a bay miho cu otronan. Tin 560 tiendanan licencia rond henter Canada, pero mas cu mita di nan ta na Alberta, e provincia di 4 mas grandi. Ontario y Quebec, cual bou nan ta cay 2 tercer parti di Canada su poblacion, tin solamente 45 en conhunto.

Pa un doño di otro tienda Mike Babins di Evergreen Cannabis, situa na Vancouver, e ta haya cu ta bon cu e legislacion ta cana su caminda slow. “Tur hende rond mundo tin wowo riba nos”, el a bisa. “Si algo bay fout aki, nos ta ruina henter e cos pa henter mundo”.