Campeonato femenino Fast Pitch U17 di Aruba Softball Bond a termina, unda Eagles di San Nicolas a derota Rockets di Sta Cruz den e gran final.
E dos ekipo cu a pasa pa final ta Eagles, kende a enfrenta Rockets den un serie di best out of 3.
Den e prome wega Eagles a pica dilanti y a concretisa su titulo den e di dos wega di e serie, titulando Campeon 2019 invicto.
Den cabes di prome inning, Eagles a anota 6 careda y den cada inning despues a anota 1 careda, pa asina seya su victoria y celebra su titulo.
Rockets den bom di 5 inning a menasa anotando un careda.
Boxscore final.
Eagles 9 careda, 8 hit, 2 eror y ta laga 5 coredo na base.
Rockets 1 careda, 1 hit, 2 eror y ta laga 2 coredo den circulacion.
Miho batiadonan pa Eagles ta Keyla Cham di 2-1, cual batazo tabata un triplete; Yee Mei ‘Beba’ Cheong 2-2 cu 1 rbi mas 2 careda anota; Jalliyah Versprey 2-1 cu un triple; Destiny Johnson di 3-2 cu un doblete y un triple mas 2 rbi; Xiorcaniyx Vargas 2-2.
Pa Rockets Zulaima Croes a conecta e unico hit y a bay di 2-1.
Yee Mei ‘Beba’ Cheong ta lansa un one hitter den e wega final, enfrentando 18 batiado y tirando 28 bola, 42 strike pa un total di 70 pitch, permitiendo 1 careda tras di 1 hit, ponchando 6 batiado y ta regala 1 base por bola, seyando e victoria di campeon 2019 riba su nomber.
Jaysjelienne Kock ta lansa 2 tercio den prome inning, pa un total di 37 pitch, permitiendo 6 careda y ta regala 6 base por bola y ta perde e wega. Zulaima Croes a drenta releva lansando 38 bola, 36 strike, pa un total di 74 lansamento, regalando 4 base por bola, ponchando 4 batiado, permitiendo 3 careda tras di 3 hit.
Manera di 3 out a cay, Eagles a subi tereno pa celebra. Yee Mei ‘Beba’ Cheong ta conkista e titulo di MVP, alabes Champion Batter y Champion Pitcher. Asmilayne Maduro a titula champion homerun. Aruba Softball Bond kier felicita Eagles cu nan titulo di campeon y Rockets cu nan sub campeon y tur atletanan di ambos team; pero tambe di Lady Blue Marlins kendenan a competi den un bunita campeonato U17.
