Diadomingo awor e deporte di landamento sincronisa lo tin nan competencia na Piscina Olimpico Roly Bisslik na Savaneta. Lo bay tin e “CCCAN Swimkick off ” y e Campeonato Arubano di Seniors.
E competencia den Seniors nos lo haya tur nos miho atletanan di landamento sincronisa competi den e categorianan di solo, duet y teams. Tambe lo por disfruta di e presentacion di e rutinanan di e atletanan cu lo bay competi na CCCAN unda Aruba lo competi, cu un total di 11 atleta. Campeonato Arubano di Seniors den landamento sincronisa diadomingo awor Na e Campaonato Arubano di Senior (Open), nos tin atleta Kyra cu lo bay landa Solo na campeonato mundial na Budapest na Juni, y e team cu ta preparando pa e competencia di clasificacion pa e Weganan CAC 2018 y aki nan lo demostra nan rutina liber.
Pa prome biaha lo bay expone e partner nobo den duet di Kyra Hoevertsz, esta e atleta Shelby Kasse cu ainda ta den proceso pa cambio di nacionalidad(a competi pa Hulanda, nasi na Corsou). E competencia ta programa pa cuminsa 6.30 pm!! Esunnan cu lo competi ta Solo Abigail de Veer (CCCAN), Solo Kyra Hoevertsz (Tech) (World Championships Budapest Senior), Solo Avigayle Tromp (CCCAN), Solo Meghan Tromp (CCCAN), Solo Kainah Croes (CCCAN), Solo Kyra Hoevertsz (Free) (World Championships Budapest Senior), Team 12 au (CCCAN), Team Senior , Duet Kyra Hoevertsz & Shelby Kasse (Tech, Senior), Duet Abigail de Veer & Maryjane Wong (CCCAN), Duet Avigayle Tromp & Mikayla Morales (CCCAN), Duet Kainah Croes & Meghan Tromp (CCCAN) y Duet Kyra Hoevertsz & Shelby Kasse (Free, Senior)
