E weekend aki tin e campeonato nacional di landamento na Piscina Olimpico Roly Bisslik na Savaneta. Mester bisa cu e participacion lo ta uno masal cu clubnan Stingray Swimming, Aruba Dolphins, Orca Swimming, Sportsz 4U. Ya for di diabierna e campeonato nacional di landamento a inicia den Piscina Olimpico Roly Bisslik na Savaneta organisa pa Arubaanse Zwembond. Un campeonato na cual tur club miembro lo participa. For di exterior tambe nos tin tur nos atletanan di landamento cu a bini Aruba y competi paso esaki ta un exigencia di e federacion Arubano si nan kier representa Aruba den competencianan internacional. A bini for di Merca, e rumannan Daniella y Andrea van den Berg, Jordy y Patrick Groters, Mikel Schreuders, Jemal Le Grand y Daniel Jacobs.
E deporte di landamento ta esun cu mas exito internacionalmente a logra pa Aruba, unda nos landadonan a briya den competencianan inteernacional renombra y sigur esnnan den nos region y continente manera e Carifta, CISC y Consanat y CCCAN. Pa varios aña nos atletanan di landamento ta sobresali entre e miho nan den nos region y cada bes e prestacion ta bay den e direccion desea. E popularidad di e deporte di landamento a crece mas bou di nos hobennan. Na banda cu nos tin e landadonan biba na Aruba, den exterior tambe nos tin atletanan ta biba y combina nan estudio cu nan deporte
Un danki sigur na Lotto, e Loteria di Aruba pa medio di Comision di Subsidio cu a yuda subsidia e campeonato nacional di landamento organisa pa Arubaanse Zwembond
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.
