E Defensor di e cas na Berlin a lansa un campaña popular riba diasabra pa obliga e gobierno di e ciudad pa haci cargo di 250 mil di apartamento pa e balor di miles di miyon di propietario corportavio pa stop di hisa e prijs di huur na e mercado mas popular di Alemania.
“E ta necesario cu ta existi algun regla pa e wega, e ta un ciudad, no solo tera habri pa hende haci locual nan kier”, Thomas McGath a bisa, kende ta un representante di e grupo tras di e campaña conoci como ‘Expropiate Deustsche Wohnen & Co.’. Agregando cu e no ta algo cu por ser determina completo pa e mercado.
Despues cu e muraya a cay na Berlin esey a duna un luga na artista y otro cu tabata busca un existencia mas ‘bohemia’ y a bin cu ex alcalde pa calificia manera ‘pober pero sexy’. Pero e huur a wordo aumenta constante pa e mesun tempo, aunke e prijs ta keda leu compara cu otro ciudad grandi di Alemania of otro capital di Europa.
“Nos a yega di tene 3 propietario na e ultimo 7 aña, e aña anterior nos a wordo informa cu nos huur lo hisa entre 415 y 750 euro pa luna”, Paul Afred Kleinert, kende ta autor y traductor y bibando na districto di Kreuzberg di Berlin.
A pesar di gana 15 caso hudicial contra e propietario na e ultimo aña, sr. Kleinert ta bisa cu e presion ta sigui subi. “E ta produciendo un benta masivo na e ciudad, e caya a ser cumpra pa negociante di Yapon, Noruega y Mericano”, el a bisa di inversionista inmobilario cu tambe tin reparacion pa asina sigui aumenta e huur.
E prome fase a cuminsa diasabra y e grupo ta recolectando 20 mil firma necesario pa presenta gobierno di Berlin pa nan consideracion. McGath a bisa cu e ta kere cu e firma ta necesario y lo uno den algun siman maximo.
