Campaña pa conscientisa riba consumo di alcohol den dianan di fiesta

Pa fin di aña, FADA (Fundacion Anti-droga Aruba) Amigo Didi ta biniendo cu campaña. Mirando cu ta temporada di fiesta y tin hopi persona cu ta core bou influencia y por causa accident, ta preparando pa hende por ta consciente.

Rulienne Arends, trahado preventivo na FADA, a bisa cu ta grabando un video cu lo lansa pa diferente temporada. E video lo representa e parti di fin di aña. “Algo cu nos a observa hopi ta cu ta core auto, brommer, scooter bou influencia di alcohol. E video ta bay ta mas real, mustrando situacion cu a yega di tuma luga na Aruba.”

E grabacion a tuma luga cu team di FADA y a haya hende pa coopera, mustrando entusiasmo. Arends ta bisa tambe cu despues di temporada di Pasco, mester traha riba e plan pa carnaval. Nan a tuma contacto cu varios compania na Aruba pa asina forma parti di e proyecto pa uni forsa pa locual ta trata e parti di alcohol durante carnaval.

Arends a splica cu na momento cu e team di Carousel a sinta na mesa pa traha riba e plan di carnaval. Amigo Didi ta activo cu plan pa keda mantene den temporada aki, sinembargo ta spera e keda constante durante henter aña. “Nos ta ripara cu tin hopi accident ta sosode un bes mas.”

Pa motibo di uzo di alcohol, segun Arends, maske velocidad tambe ta hunga un rol grandi. E hecho cu tin caminda nobo tambe por causa cu hende ta hisa velocidad ora di core auto. E ta bisa cu team di FADA tambe ta colocando un borchi cu mensahe positivo, pa asina alerta e persona unabes nan coriendo auto bou influencia.

E fundacion ta deliberando pa mira di cua forma por pone un tipo di borchi na diferente parti di Aruba. “No solamente riba e caminda cu ta core cu velocidad halto, pero algun parti strategico. Nos sa cu algun aña pasa a pone borchi na algun rotonde. Ey nos por a wak y hala atencion di hende.”

Tambe ta trahando cu fundacion Zinnia pa e iniciativa di bus. Nan a sinta cu plan di 2020 pa proyecto cu ta desea pa traha den contexto di amigo DIDI. Un di forma pa trece dilanti pa wak di cua forma por trece e bus un biaha mas.

Pa bin cu un amigo DIDI permanente, Arends ta menciona cu e ta un model, mester evalua prome si por. Mirando cu den pasado por a nota algun causa, por ehempel cu persona bou influencia por bira un molester y no sa con nan lo reacciona.

“Nan ta plan cu mester evalua. Nos deseo ta pa tin un bus pa e core constante durante henter aña. E ta un proyecto grandi. Nos a yega di papia riba esaki, pero mester wak di ki forma y ki momento por realisa”, el a bisa.