Bon Dia Aruba ta invitabo participa den e tremendo campaña “Back to School” cu Bon Dia Aruba. Un campaña estilo ‘Scavenger hunt’ unda cu muchanan entre 6 te cu 18 aña por participa pa gana premionan maravilloso pa e aña escolar nobo.
E temporada di ‘Back to School’ ta den porta, den algun siman ya caba skolnan lo habri nan porta back. Esaki kiermen cu ta casi e momento pa cuminsa hasi compras pa e aña escolar nobo. Cu esaki den mente Bon Dia Aruba ta lansa su campaña di ‘Back to School’ cu grandioso premionan pa yuda nos muchanan cuminsa skol bon ekipa.
Campaña ta start sali awe dialuna 19 di juli y ta cera diahuebs 5 di augustus pa 12or di merdia. Ganadornan lo wordo saka ‘Live’ via nos pagina di Facebook pa 4or di atardi y diabierna dia 6 di augustus ganadornan por pasa buska nan premio.
Pa participa ta facil:
- Cumpra bo corant Bon Dia Aruba na bo establecimento preferi.
- Forma e palabra ‘BON DIA’. Tur dia lo publica un letter scondi den e corant.
- Corta y plak esaki riba e coupon. (Si bo ta mucho jong ainda, puntra un miembro di famia pa juda.)
- Yena bo nomber, adres, number di telefoon, email y edad riba e coupon. Corta y deposita esaki den e tombola na oficina di Bon Dia Aruba, na Weststraat 22.
Lo tin premio den 2 categoria. Edad di 6-12 aña y 13-18 aña. Bo por participa cuanto biaha cu bo ta desea.
Ultimo dia pa entrega e coupon lo ta Diahuebs 5 di augustus 2021, pa 12or di merdia.
Nos di Bon Dia Aruba y tur nos sponsornan ta desea tur participante hopi exito cu e buskeda.
Ready, Steady.., Go! Laga e buskeda cuminsa.
(Hint: nos prome letter ta ‘O’!!)
Sponsors:
Back to School cu Bon Dia Aruba a wordo realisa cu ayudo di nos sponsornan : SETAR NV, Mederi NV, Super Shopping, Do It Center y Giselle Department Store.
