Jacqueline Harewood kende tabata hefe di departamento di asilo di Dimas a entrega su funcion y ta bay cu VUT lagando 4 investigacion habri, entre otro, e caso di e hoben Maykol Chavez unda Dimas a viola su derecho di un proceso husto y den e caso di otro persona di fam Bracho Bracho unda documento oficial a mustra cu loke el a bisa na hues comisario Soffer den corte tabata “in strijd met de waarheid.”

Caso Bracho Bracho
 Tur cos a cuminsa na momento cu un persona sin documentonan legal na Aruba a causa un accidente na e rotonde di Mahuma na aña 2020. Agentenan di polis na su turno a pasa e caso na man di Guarda Nos Costa.

E caso mes, ta cuminsa cu Bracho Bracho, ta un persona di nacionalidad Venezolano ken su orden di detencion tabata den cuadro legal den aña 2020 y a keda den libertad for di Guarda Nos Costa (GNC). Hefe di asilo Harewood, ken tabata representa DIMAS na e momento ey, a bisa hues comisario Soffer di Corte di Prome Instancia cu no tabatin decision ainda debi cu no por a entrevista Bracho Bracho, pa motibo cu e tabata den cuarentena pa Covid-19. Pero documentonan oficial di DIMAS cu Bon Dia Aruba ta dispone di dje ta mustra un escenario totalmente diferente. Investigacion oficial ta mustra cu Bracho Bracho su entrevista a tuma luga specificamente dia 20, 22 y 23 di April 2020 door di e ex-funcionario di DIMAS, Carl Giel. Di esaki, awor ken ta ex-hefe di asilo Harewood y ex-director Kathy Paskel a haya un concepto di decision di Bracho Bracho su asilo via nan e-mail dia 4 di mei 2020.

Investigacion Oficial riba e Feitenverslag (ambtshalve) Harewood
 A base di e articulo cu Bon Dia Aruba a publica, a cuminsa un investigacion door di siguridad nacional (VDA) y tambe internamente den departamento, segun e documentonan oficial cu Bon Dia Aruba a haya for di un fuente y ta dispone di dje, Kathy Paskel a laga haci un “feitenverslag” unda cu tabatin un contestacion ambtshalve (oficial) di Harewood unda cu por lesa cu Bracho Bracho en berdad su entrevista a tuma luga na GNC fin di april 2020 y tambe 4 di mei 2020  tabatin un concepto beslissing cu e la ricibi den su e-mail.

Segun e documento oficial di investigacion na Hulandes ta bisa: “Naar aanleiding van het verschenen artikel heeft MinAEl aan de directrice DIMAS verzocht hem per ommegaande een feitenverslag te doen toekomen, welke bestond uit een “ambtshalve verantwoording” door mw. J. Harewood waaruit onder andere valt te lezen dat Bracho Bracho inderdaad eind april 2020 gedurende drie dagen is gehoord bij GNC en dat inderdaad reeds op 4 mei 2020 een concept beslissing zou zijn opgemaakt en per e-mail gestuurd. Echter, de reden waarom de betreffende beslissing niet naar betrokkene was doorgestuurd is niet vermeld. De mededeling van Harewood tijdens de zitting d.d. 3 juni 2020, zijnde dat Bracho Bracho niet eerder had kunnen worden gehoord, is aldus in strijd met de waarheid.”

Estado di Derecho na Aruba
Segun nos estado di derecho na Aruba, e poder hudicial ta protege derechonan y libertad, ta defende estado constitucional democratico, ta defende e aplicacion corecto di ley y ta sigura decisionnan di huesnan independiente, imparcial, honesto y experto, basando su decisionnan riba informacion corecto di instancianan gubernamental. Si un estado of un departamento di gobierno ta gaña Corte di Prome Instancia y get away cune, ta susha e unico instancia y pilar democratico cu no tin condena pa corupcion na Aruba mirando nos poder ehecutivo, 3 minister condena pa corupcion y nos poder legislativo unda un ex vice-presidente di parlamento tambe ta condena pa corupcion.

Vreemdelingenketen na Aruba a conoce cambio den top
 Nos por a mira e cambionan drastico den e parti top di vreemdelingenketen entre otro Kathy Paskel ken no ta director mas di e departamento di Dimas loke a keda hopi pregunta di e caso di Bracho Bracho cu Paskel tambe a haya e decision negativo di asilo den su e-mail dia 4 di mei 2022, awor Harewood a bay cu VUT ta lagando investigacionnan habri y Richard Kramers ken tabata director di GNC y ken ta na cas ainda sperando kico ta bay pasa cune.

Hopi preguntanan a keda habri entre otro si Richard Kramers a gaña landsrecherche di Aruba of su excelencia Sr. Gobernador di Aruba representante di Rey den e caso di Maykol Chavez na unda Kramers a duna Landsrecherche un declaracion y den un feitenverslag cu e mes a skirbi na su excelencia gobernador el a duna un otro declaracion anto pa colmo us’e den e propio declaracion di landsrecherche.

Den su “feiten verslag” (ambtshalve) Sr. Kramers a bisa na su excelencia Sr. Gobernador cu “Personeel van het recherchebureau kwam op 21 juni 2022, de videobeelden halen” e declaracion aki no ta cuadra cu e proces-verbaal oficial di Landsrecherche cu a wordo traha bou di huramentacion pa e funcionario di nomber Luigi Croes, ni di IT di GNC di nomber Erwin Anthony Gei y tampoco di Kramers su propio declaracion na Landsrecherche na unda el a bisa cu dos colega di KPA di departamento di Recherche cu ta Maiky Solognier y un otro funcionario di KPA a bin busca e videobeeld dos dia despues di e incidente cu ta 12 di juni 2022 sin cu tabata parti di e investigacion oficial di landsrecherche y ningun caminda no tin proces-verbaal van bevendingen di Maiky Solognier di departamento di infodesk a bay cune.

Den e caso specifico aki ningun caminda no tin e videobeeld di e zaal di GNC unda e incidente mes a cuminsa, preguntanan cu a keda habri ta lo siguiente: Maiky Solognier lo a delete e video beeldnan aki of Richard Kramers lo a delete e video di zaal di GNC ora e la bay busk’e for di e sistema di KPA? den e caso aki tabatin tapamento entre KPA of Kramers pa yud’e cu su caso penal? Tabatin tapamento entre Maiky Solognier entre Richards Kramers?