No tin nada particular tumando luga cu e tempo. E motibo cu e tempo ta “straño” ta como cu ta net den cambio di temporada. A pesar cu no ta sinti e cambionan mucho, nos ta den lente aworaki y ta haya diferente sistema ta pasa for di noord caribe cu ta haci influencia cerca nos. Esaki ta informacion cu nos a ricibi for di Departamento Meteorologico Aruba.
Por ehempel e ultimo dianan aki tabatin un disturbio na nivelnan mas halto di atmosfero cual ta wordo yama na Hulandes ‘trog’. Anto esey a trece basta nubia for di Zuid cual tambe a causa cu a spat aki aya aki na Aruba. Na e otro islanan mas pariba di nos tambe nan a experiencia cu awa a spat. Nos tin bastante “calima” cual ta e stof fini di Sahara, cual ta haci e bista di shelo poco scur. E ta duna e apariensia cu e shelo ta hopi carga cu nubia, pero realidad ta cu ta e stof di Sahara ta haci e shelo asina, esaki segun David Bearkmeyer di meteo
A puntra Sr. Bearkmeyer si Aruba por spera poco yobida, mirando tempo. El a bisa cu humedad ta halto y e biento no ta manera e tabat algun dia pasa, combina cu temperatura halto, por sinti cu e ta basta benauwd. E dianan aki temperatura tabata basta halto tambe y a registra temperatura di 33 grado e dianan aki y algun parti hasta 37 pa 38 grado, tin chens pa awa spat. A puntra te cu ki dia ta spera cu e tempo lo keda asina, el a bisa cu e disturbio ta bayendo for di e area kiermen kisas den un of dos dia e biento ta bek normal y por bisa cu e ta wordo re establece, humedad ta baha un tiki y lo sinti menos benauwd. Terminando el a bisa cu a pesar di tur esaki e region ta keda hopi seco.
