Recientemente, Oficina Central di Estadistica, CBS a publica e Indice di Prijs di Consumo pa januari 2025. Den esaki, a sobresali un reduccion di e prijs di cuminda y servicio di catering.
E indice di “Cuminda & servicio di catering” a registra un caida di 0.3% na Januari 2025, despues di a registra un subida di 0.1% na December 2024.
E indice di “Cuminda na cas” (-0.5%) a registra un caida, unda ocho (8) di e diesun (11) indicenan di e gruponan di cuminda na cas a baha na Januari 2025.
E indice di “Berdura” a conoce e caida di mas grandi (-2.1%) na Januari 2025. Otro caidanan significante a wordo registra den e indicenan di “Pisca y otro cuminda di lama” (-1.3%), “Lechi, keshi y webo” (-1.2%) y “Batata, yuca y batata dushi” (-0.9%).
E subida mas grandi a wordo registra den e indice di “Pan y otro productonan di grano” (0.4%) na Januari 2025.
E indice di “Cuminda pafo di cas” a registra un subida di 0.3% na Januari 2025. Na Januari 2025, “Cuminda na cas” y “Cuminda pafo di cas” como grupo, tabatin un caida di prijs di 0.3% compara cu December 2024 y hunto tabatin un influencia di -0.05 ppt riba e CPI, mientras cu e restante bienes y servicio hunto a experencia un caida di prijs di 0.4% y tabatin un efecto di -0.34 ppt riba e CPI.
