E indice di “Cuminda & servicio di catering” a registra un subida di 0.1% na Augustus 2024, despues di a registra un subida di 0.4% na Juli 2024, segun e CPI mas recien di CBS.
E indice di “Cuminda na cas” (0.04%) a registra un subida leve, unda shete (7) di e diesun (11) indicenan di e gruponan di cuminda na cas a subi na Augustus 2024.
E indice di “Batata, yuca y batata dushi” a conoce e subida di mas grandi (1.8%) na Augustus 2024.
Otro subidanan significante a wordo registra den e indicenan di “Bebida no-alcoholico” (1.0%) “Azeta y otro productonan traha di vet” (0.6%), “Restante productonan pa alimentacion” (0.5%) y “Fruta” (0.5%).
E caida mas grandi a wordo registra den e indice di “Berdura” (-2.1%) na Augustus 2024. E indice di “Cuminda pafo di cas” a registra un subida di 0.2% cambio na Augustus 2024.
Na Augustus 2024, “Cuminda na cas” y “Cuminda pafo di cas” como grupo, tabatin un subida di prijs di 0.1% compara cu Juli 2024 y hunto tabatin un influencia di 0.01 ppt riba e CPI, mientras cu e restante bienes y servicio hunto a experencia un subida di prijs di 0.9% y tabatin un efecto di 0.73 ppt riba e CPI.
