Cambio den ley lo elimina tur costo na biblioteca pa muchanan bao di 18 aña desde dia 1 di juli

(DutchNews) – Biblioteca lo bira gratis pa tur mucha bao di 18 aña den henter Hulanda desde dia 1 di july 2022.

Anteriormente Ministerie van Onderwijs, Cultuur en Wetenschap a trece dilanti un ley unda cu ta elimina tur costo pa muchanan bao di 18 aña cu haci uso di biblioteca na Hulanda.

Anteriormente e siman aki e Senado a aproba e cambio den e ley existente, aceptando e ley nobo unda cu ta elimina e costo. Ya caba tin varios bario y ciudad unda cu e costo pa muchanan menor di edad a ser descarta na biblioteca, sinembargo municipalidadnan ta permiti cobra te hasta mita di e costo di un subscripcion adulto.

E costonan no lo aplica mas pa henter e pais, incluyendo su teritorionan den Caribe, segun Minister di Cultura Günay Uslu. “Pa muchanan hoben, costo no por ta un barera pa por bay ni haci uso di biblioteca. Di nos evaluacion por a mira cu e bibliotecanan aki no ta logra atrae muchanan di menos di 18 aña, mientras cu nos ta purbando di promove lesamento den nos muchanan. Cu e cambio aki, tur muchanan desde dia 1 di juli por haci uso di tur loke biblioteca fisicamente y digitalmente por ofrece nan sin ningun costo. Di buki, musica, te cursonan cu nan por sigui y hasta crea amistadnan cu otro muchanna.”