Durante conferencia di prensa Minister Bikker a splica tocante rijbewijs digital. Minister Bikker a anuncia cu ta existi un grupo di personanan cu no tin e habilidad pa pasa e test di rijbewijs digital kisas door di edad of un impedimento fisico, el a trece dilanti cu un solucion cu nan a caba di introduci dia 30 di december ultimo.
E personanan aki tin e posibilidad cu por tin un excepcion si e persona ta indica y mustra cu ta un persona cu no tin conocemento of algun otro impedimento pa pasa e rijbewijs digital, den ora ey e por hacie den e forma tradicional.
Di loke ta trata dunamento di rijbewijs, den un corto tempo su emision lo bay pasa over pa Censo pa asina e documento no haya foutnan den nomber, fam of algun otro dato. Tambe el a anuncia un cambio di diseño di rijbewijs, pa motibo cu e compania cu ta print e rijbewijs a claim cu nan a diseña e rijbewijs, esey ta pertenece pa nan y nan a registra derecho di autor, aunke Gobierno anterior a paga e cifra di 53.000 florin pa haci e diseño anteriormente.
