(AP) – Cambio den reglanan ta kibra un barera decada bieu den e investigacion di celula, insinuando cu cientificonan lo por experimenta cu embryo humano pa un tempo mas largo, bao condicionnan limita.
E “Regla di 14 dia” ta un regla internacional etico cu ta limita laboratorio na momento di haci estudio riba embryo humano tin decadanan den existencia y a converti den ley na cierto pais manera Britain y Australia. Pa medio di e regla aki, cientificonan mester a deshaci di e embryo prome cu e yega 14 dia.
Algun cientifico ta na fabor di e cambio di e regla aki, pa motibo cu si nan tin mas tempo, por conduci estudionan di un manera mas amplio, mientras cu e oposicion ta bisa cu un tempo mas largo cu un embryo humano ta crusa un balor moral y e ta indefini si di berdad mas tempo cu un embryo humano por trece avansa na e manera di conduci estudio.
E limite original di 14 dia, ta pa preveni experimentacion y estudio den un periodo critico di desaroyo di un embryo humano, cual tipicamente ta entre 14 pa 28 dia Robin Lovell-Badge, un experto na London’s Crick Institute ta bisa.
“Nos ta pensa cu hopi abnormalidad congenital ta desaroyando hopi trempan den e periodo aki” Lovell-Badge ta agrega, “Pa medio di compronde e periodonan aki miho, e ta yudanos adopta proceduranan simpel pa asina nos por reduci e cantidad di sufrimento”
E reglanan, cual ultimo a cambia den aña 2016, a ser poni pa The International Society for Stem Cell Research, kendenan ta acredita y acepta pa hopi diferente pais internacionalmente. Pero e reglanan nobo no ta specifica exactamente con hopi e periodo di por conduci experimentacion riba e embryo a aumenta.
Pa cientificonan den U.K pa nan por cuminsa conduci estudio riba e embryonan humano pa mas cu 2 siman, nan lo mester cambia tambe e ley cu ta regula estudionan aki. Y cualkier otro cambio cu ta haci e regla aki menos estricto, mester ser revisa pa reguladonan di ley nacional.
E no ta un “luz berde” pa cientificonan cuminsa expande nan estudio riba embryo humano, ya cu esaki lo ta sumamente iresponsabel. Kathy Niakan di Cambridge University ta bisa
Niakan a bisa cu un combersacion mester tuma luga entre cientificonan, reguladonan y e publico, pa asina por combati tur obhecion cu por surgi contra e cambio di reglanan aki. Mester tin un apoyo di e publico prome cu e estudionan aki tuma luga, y e paisnan mester tin un proceso specialisa pa por midi e merito nan di cada estudio cu lo haci.
Marcy Darnovsky, director ehecutivo di Center for Genetics and Society, a bisa cu e hustificacion cientifico pa e cambio de e regla aki no ta suficiente, y ta falta hopi base.
“Ora cu e embryo ta riba e mesa, di berdad bo lo por conduci un experimento cu lo duna informacion tocante perdida di embaraso? Of tocante e desaroyo di e embryo aki?”
Tambe a ofrece conseho tocante otro temanan, manera e hecho cu ta rekeri regulacion mas estricto den e proceso di transferi embryo humano den un utero ora di conduci inseminacion artificial.
Te cu awo, e reglanan ta prohibi cualkier cambio genetico cu lo causa cambio den futuro generacionnan, manera e experimento cu a conduci na China pa cientifico He Jianku, ken a anuncia den aña 2018 cu el a produci e prome baby cambia geneticamente.
Experimentonan di tal manera ta prohibi, pero Lovell-Badge ta admiti cu e ta kere den cualkier momento e experimentonan aki lo bira permiti “si por comproba cu e ta un experimento sigur, y cu solamente lo por tuma luga den condicionnan y cantidadnan limita”.
E reglanan tambe ta prohibi clonacion humano, transferencia di embryo humano pa utero di bestia, y unificacion di animal cu humano, pa traha lo ke sa yama pa “chimera” pa motibo cu e “experimento nan no tin racional cientifico, y ta falta eticamente preocupante.”
