(nltimes.nl) – Cu e comienso di aña academico nobo acercando rapidamente, studiantenan cu ta busca un camber pa keda lo haya e situacion mas dificil cu aña pasa. Huur di cambernan a subi ainda mas, mientras cu oferta ta sigui bay abou. Na Breda y Zwolle, huur di cambernan pa studiante a aumenta cu casi 30% den e di dos kwartaal, NU.nl ta reporta basa riba cifranan di Kamernet.
Den promedio, e huur pa un camber a subi cu 5.4% den di dos kwartaal compara cu aña pasa. Na Breda, huur a subi cu 29.8% pa un promedio di 670 euro. Zwolle a mira e huur di camber subi cu 29.2% y Utrecht cu mas di 20%. Nijmegen, Haarlem y Alkmaar tambe a conoce un aumento significante.
Amsterdam a mira un aumento di solamente 1.7% e kwartaal cu a pasa, pero e capital ta keda e ciudad mas caro pa huur, cu un promedio di 961 euro pa un camber. Utrecht ta na dos lugar cu 837 euro, sigui pa Haarlem cu 754 euro. Ora cu wak e prijs pa vierkante meter, Haarlem ta e ciudad mas caro, cu un promedio di 56 euro. Esaki ta 1 euro mas cu na Amsterdam. Na Rotterdam y Utrecht, bo ta paga 42 euro pa vierkante meter.
E aumentonan di e dos kwartaal ta sigui despues di hopi aumento di huur den e prome luna di e aña. Di e 20 municipionan studia, solamente na Den Haag, Leeuwarden y Amersfoort e huur di camber a baha un tiki.
Kamernet ta atribui e aumentonan di prijs na e falta di oferta. Mas cu 7% menos camber tabata disponibel den di dos kwartaal compara cu aña pasa. “Como resultado, hende hoben hopi biaha ta haya nan mes forsa pa scoge e opcionnan mas caro,” director Djordy Seelman a bisa e corant.
E Ley di Huur Aceptabel a drenta na vigor dia 1 di juli, cu e meta pa limita e prijs di casnan di huur den e segmento medio. Pero, segun Seelman, e ley no ta aumenta e oferta di casnan di huur, cu ta e problema mas grandi.
