(AP)—Enfrentando presion pa adresa e crisis creciente di falta di vivienda na California, gobernador Gavin Newsom a anuncia diamars cu su administracion lo haci 3.3 biyon dollar disponible prome cu schedule pa condado- y desaroyadonan priva cuminsa construi mas centronan pa tratamento di salud di comportacion como parti di su esfuerso pa funda programanan di vivienda y uso di droga.
Esaki ta e prome suma for di un medida di votacion diseña pa yuda ciudad-, condado-, tribu- y desaroyadonan construi of renoba centro- y clinicanan di tratamento, entre otro cos. Votadonan a aproba esaki na maart despues cu Newsom a tira tur su peso politico tras di dje, promoviendo e como algo vital di e esfuersonan estatal pa reduci falta di vivienda.
Esaki ta autorisa e estado pa fia casi 6.3 miyon dollar pa construi 4,350 unidad di vivienda y obliga condadonan pa aloca dos tercer di e placa for di un impuesto riba miyonarionan riba viviendo y programanan pa hende sin cas cu malesa mental of problema cu uso di substancia. Aplicacionnan pa e placa lo habri na juli.
Newson, un top sustituto pa e campaña di re-eleccion di presidente Joe Biden cu ta sospecha di tin su mesun aspiracion presidencial, a haci abordamento di falta di vivienda un prioridad politico y a priminti pa transforma e sistema estatal di salud mental. Falta di vivienda a bira un di e problemanan mas frustrante na California, unda e administracion di Newson a aloca biyones di dollar pa kita hende for di caya pero no a mira ningun cambio dramatico na Los Angeles y otro ciudadnan grandi.
California ta conta pa casi un tercer di e poblacion sin cas na Merca; aproximadamente 171,000 ciudadano di California mester di cas. E estado, cu un inventario actual di 5,500 cama pa tratamento di comportacion, mester casi 8,000 unidad mas pa trata problema di salud mental y adiccion.
Newson a anuncia cu e suma por funda un variedad amplio di programanan incluyendo facilidadnan di crisis den tempo corto, programanan di adiccion, servicionan pa pashentnan no hospitalisa, y cama pa tratamento cera. E estado lo evalua e proyectonan a base di buraconan den servicio local.
“Cuido boluntario semper ta miho, pero tin biaha nos mester haci un tiki mas,” segun e senador Susan Eggman, ken a autorisa un legislacion cu a bira parti di e medida di votacion, a bisa di fondo posiblemente bayendo pa camanan di tratamento cera.
Newson, ken a pusha pa un ley nobo pa haci’e mas facil pa forsa hende cu problemanan di salud mental y adiccion den tratamento aña pasa, tambe a critica condadonan pa no implementa e programa ainda, aunke e estado a duna mayoria condado un deadline na december pa lansa nan esfuersonan. Ocho condado a implementa e iniciativa aña pasa y a ricibi 450 aplicacion den e ultimo seis luna, segun e oficina di gobernador.
E estado tambe tin plania pa haci fondo pa vivienda disponible pa fin di aña. E fondo di casi 2 biyon dollar lo yuda expande e iniciativanan di vivienda ya existente incluyendo un esfuerso di 3.5 biyon dollar pa converti motelnan bieu den vivienda temporal pa esnan bibando riba caya.
