Na april 2017 e cantidad di placa den circulacion a baha cu 43.1 miyon florin y a yega te na 4137.8 miyon florin compara cu maart 2017. Esaki ta e resultado di menos reserva di divisa netto y activo domestico (-25,2 miyon y -17,9 miyon florin).
E caida aki den activo domestico netto a surgi debi na transaccionnan no relaciona cu credito (-11,2 miyon florin) cual a wordo causa pa subidanan den shareholders equity y accounts receivabel and payments y otro liabilities, como tambe den transaccionnan di clearing y credito domestico a mengua (-6,8 miyon florin). E credito domestico a baha debi na menos credito bancario netto na sector publico (-34,6 miyon florin), cual a wordo neutralisa den gran parti pa un crecemento den credito bancario na sector priva (+27,9 miyon florin).
Esaki ta a consecuencia di un subida den depositonan di gobierno (+131,4 miyon florin) debi cu gobierno a saca bono (+125 miyon florin). Expansion den sector priva a conduci na mas credito na empresa (+17,4 miyon florin), tambe tabatin mas hipoteca pa vivienda (+6 miyon florin) y banda di esaki tabatin mas credito na consumido (+4,5 miyon florin).
Caida den reserva di divisa netto di sector bancario a wordo causa pa benta netto di divisa na publico (-216 miyon florin), esaki ta principalmente relaciona cu entrada di importacion di mercancia, otro servicio y income account.
Inflacion
Pa loke ta e indice di consumo, a registra un caida di 0,1 porciento na april 2017, compara cu april 2016. Loke cu a aporta na gran parti na e caida aki ta e componente vivienda, primordialmente debi na e reduccion di prijs di electricidad. Pa loke ta trata transporte, cuminsa y bebida no alcoholico, educacion y restaurant y hotel a registra subida. Si exclui cuminda y energia di indice di prijs di consumo, inflacion tin un crecemento di 0,5 porciento compara cu april 2016.
Turismo
E cantidad di bishitante cu a registra na april 2017 tabata 96.915, cual ta 1.9 porciento menos cu na april 2016. Principalmente esaki a wordo causa pa un caida di turista di Latino America di 40.4 porciento. Mercado Mericano si tabatin un aumento di 13.9 porciento.
E caida den turista di Latino America ta debi na e caida di bishitante di Venezuela (-13.828 bishitante menos cual ta representa -63,9 porciento).
Turismo crucero tambe a registra un aumento di 12.642 bishitante cual ta ekivalente na 25 porciento.
Entrada gobierno
Entrada di gobierno a suma 73,6 miyon florin na april 2017, esaki ta 13,8 miyon menos compara cu e luna prome. E caida aki ta debi na un bahada den entrada di impuesto (-13,8 miyon florin) y un aumento den entrada no relata na impuesto (+0,8 miyon florin).
