”Aruba a cumpli suficientemente cu recomendacionnan di CAft pa presupuesto 2018; importante ta pa stipula a corto plaso un cuadro legal di norma nobo cu ta dirigi riba finansa publico sostenibel”
Esaki presidente di e organo di supervision financiero a bisa awe durante un bishita di e miembronan na Aruba. Segun e relato cu CAft a manda, e tambe ta expresa: “Importante ta pa stipula a corto plaso un cuadro legal di norma nobo cu ta dirigi riba finansa publico sostenibel.”
Pero pa aworaki CAft ta bisa cu nan tin ‘suficiente confiansa’ den gobierno pa drecha su financia publico.
12 miyon reduccion gastonan personal
Por lesa tambe den e relato cu gobierno a presenta un plan di personal unda ta mustra cu lo reduci 12 miyon florin e aña aki ainda.
“Cu esaki ta cumpli tambe cu e recomendacion di CAft pa no permiti e gastonan di personal subi, den comparacion cu 2017. Si ta importante pa Parlamento mas pronto posibel aproba e presupuesto supletorio cu ta relaciona cu esaki”, segun CAft.
