(NLTimes) – E cadena di dokter di cas comercial Co-Med lo declara su mes bancarota proximo siman, abogado Georges van Zeijl a confirma na L1.
E compania no tin mas opcion cu tuma e paso aki, mirando cu e companianan di seguro medico ta nenga participa den un plan alternativo pa disolve e compania, RTL Nieuws a reporta.
E cadena di GP controversial tin tempo cu problemanan cu su practicanan pa añanan caba. Co-Med a tuma over practicanan na Hulanda for di dokternan di cas cu no por a haya un sucesor. Despues di e adkisicion, sinembargo, e practicanan aki no tabatin un dokter di cas general sino un observador. E strategia aki no a funciona y despues di poco tempo, hopi biaha no tabatin dokter presente den e oficinanan y e pashentnan no tabata ricibi cuido adecua, RTL Nieuws a comenta.
Co-Med a propone na e seguronan di salud cu su oficinanan den e nacion cu algun 50,000 pashent keda transferi na dokternan di cas existente. Sinembargo, e seguronan di salud lo mester sigui haci pago regular na e cadena di dokter di cas durante e proceso di transferencia aki. Sinembargo, e seguronan di salud a rechasa e opcion aki segun L1 a reporta.
Segun Van Zeijl, Co-Med a ser “pusha dentro di e abismo” pa seguro di salud den un siman. Sinembargo, e movida aki di e seguronan di salud a bini como un sorpresa na Co-Med. E compania pa e motibo aki ta dicidi mantene e seguronan di salud financieramente responsabel. E abogadonan ta papia di un “acumulacion di practicanan cu no ta contribui na bon cuido di pashent.” E abogadonan lo cuminsa colecta tur e documentonan necesario riba dialuna.
Prome cu e por entrega e peticion na corte di Maastricht, e shareholder di Co-Med mester dicidi riba e aplicacion di bancarota.
