Director di AZV ta urgi pa comunidad evita contagio y accident grave pa falta di espacio den ICU
Na e momentonan aki tin 11 pacient infecta cu coronavirus na Colombia pa asina por haya tratamento di cuido intensivo. Tur pasobra na Aruba no tabatin capacidad pa atende cu nan. Cada uno ta costa AZV alrededor di 50 mil florin. Asina Director Interno di AZV, ir. Edwin Jacobs a bisa Bon Dia Aruba.
E ola grandi di contagio cu COVID -19 den e ultimo simannan aki ta poniendo presion grandi riba tur e fondonan social, y AZV ta esun mas pisa.
Pa loke ta SVB, personanan vacuna y cu a haya COVID1-19, y no tin sintoma, nan no mester a bay den isolacion ni cuarentena. Segun Edwin Jacobs, esey ta basa riba decision di DVG, cu ta instrui tur hende cu tin e virus pero no a bira malo pa tene na reglanan di higiena si, pues traha cu tapaboca, tene distanciamento social. “A tuma e decision aki riba otro nivel cu nos na SVB.
Na momento cu persona no tin sintoma, DVG no ta pon’e den cuarentena. E mester sigui e reglanan basico di distanciamento social y tapaboca.”
E decision aki ta yuda e fondo di malesa, cu di otro forma lo a conoce mas presion compara cu con tabata e caso na 2020. “Nos ta bayendo den mesun rumbo cu aña pasa si, cu esnan cu ta bayendo den isolacion y cuarentena. E situacion tin nos atencion. Nos ta spera cu pronto e ola di infeccion y contagio aki pasa nos bay.”
AZV
E problema grandi di e ola di contagio grandi e biaha aki ta cu tur intento pa corta e tempo di warda prome cu haya tratamento di specialista of haci un operacion necesario, tabata envano. Pasobra en bes di a logra corta e wardamento, awor un biaha mas mester a para tur cuido electivo. E hecho cu ta considera e casonan aki electivo, no ta nifica cu nan ta menos serio, pero simplemente cu hospital awor aki no por trata e pacientnan aki mirando e presion grandi di esnan cu ta infecta cu COVID-19.
“Awor aki cu hospital a cera pa e operacionnan electivo, e lista di espera a sigui crece cu ta crea un situacion fastioso pa e aseguradonan mes, y despues mas presion riba e sector di cuido.” Y segun Jacobs, e no tin e impresion cu e sector ta cla pa duna un contribucion na eliminacion di e lista di espera sin cu e ta acompaña pa e compensacion necesario. “Esey ta pone un presion a lo largo.”
Hospital ta ricibi un suma tur aña. E sistema di lumpsum aki ta permiti hospital determina su maneho. Pero e ta nifica tambe si usa e fondo of no, e instancia ta ricibi e placa y nan ta cera pa servicio. “Y locual nos ta paga, ta keda mescos. Mescos cu e casonan di COVID-19 cu nos ta manda afo. Berdad ta cu e gastonan pa atende e pacient di COVID-19 na Colombia ta mas abao cu na Aruba, e no ta nifica cu ta bay spaar placa. Pasobra riba e lumpsum cu ta paga hospital, tin cu bay paga Colombia tambe. Pues e ta conduci na mas gasto, cu ta mas o menos 50 mil florin pa pacient.”
Cuida pa evita contagio y accident grave
E acuerdo cu a yega cu Ministerio di Salud di Hulanda pa manda personal di Cuido Intensivo adicional, manera tabata dos biaha e caso na 2020 y comienso di 2021 ta nifica cu por wanta mas pacient cu COVID-19 na Aruba mes. Hulanda lo paga pa e personal adicional y lo permiti cu ta hisa e capacidad di ICU di seis pa 11 a 12 cama. Na e momentonan aki tur seis cama di ICU ta yen.
“Si sigui locual tur dia DVG ta publica riba contagio di COVID-19, y cu tin 11 hende manda afo caba, e ta ilustra e presion grandi cu tin riba cuido di salud pa motibo di e coronavirus. Awor aki cu tin tur seis cama yena, ta nifica tambe cu cualkier persona cu haya su mes den cualkier accidente serio, lo mester keda transporta pa exterior, cu tur e riesgo.”
Pa ta e fondo di AZV, tin un espacio financiero pa motibo cu pa hopi tempo Colombia a keda cera pa manda pacient. “Ban spera cu e casonan ta keda unicamente na e 11 hendenan cu ta na Colombia awor aki, y cu tur hende ta sigui e reglanan di distanciamento social y uso di tapaboca, y laba man, manera ta prescribi. Esaki ta pa no keda contagia of contagia otro. Pero tambe ta importante cu nos ta mas cauteloso pa evita cu nos ta haya accidente cu ta nifica cu lo por tin consecuencia pa ICU. Si haya accidente cu ta rekeri ICU y mester bay afo e ta encera riesgo adicional. Pues di un banda evita contagio y evita accidente di cualkier tipo,” tabata e conseho di Edwin Jacobs na comunidad di Aruba.
Director di AZV ta urgi pa comunidad evita contagio y accident grave pa falta di espacio den ICU
Cada pacient cu COVID-19 na Colombia ta costa Aruba 50 mil florin; tin 11 na e momentonan aki
Na e momentonan aki tin 11 pacient infecta cu coronavirus na Colombia pa asina por haya tratamento di cuido intensivo. Tur pasobra na Aruba no tabatin capacidad pa atende cu nan. Cada uno ta costa AZV alrededor di 50 mil florin. Asina Director Interno di AZV, ir. Edwin Jacobs a bisa Bon Dia Aruba.
E ola grandi di contagio cu COVID -19 den e ultimo simannan aki ta poniendo presion grandi riba tur e fondonan social, y AZV ta esun mas pisa.
Pa loke ta SVB, personanan vacuna y cu a haya COVID1-19, y no tin sintoma, nan no mester a bay den isolacion ni cuarentena. Segun Edwin Jacobs, esey ta basa riba decision di DVG, cu ta instrui tur hende cu tin e virus pero no a bira malo pa tene na reglanan di higiena si, pues traha cu tapaboca, tene distanciamento social. “A tuma e decision aki riba otro nivel cu nos na SVB.
Na momento cu persona no tin sintoma, DVG no ta pon’e den cuarentena. E mester sigui e reglanan basico di distanciamento social y tapaboca.”
E decision aki ta yuda e fondo di malesa, cu di otro forma lo a conoce mas presion compara cu con tabata e caso na 2020. “Nos ta bayendo den mesun rumbo cu aña pasa si, cu esnan cu ta bayendo den isolacion y cuarentena. E situacion tin nos atencion. Nos ta spera cu pronto e ola di infeccion y contagio aki pasa nos bay.”
AZV
E problema grandi di e ola di contagio grandi e biaha aki ta cu tur intento pa corta e tempo di warda prome cu haya tratamento di specialista of haci un operacion necesario, tabata envano. Pasobra en bes di a logra corta e wardamento, awor un biaha mas mester a para tur cuido electivo. E hecho cu ta considera e casonan aki electivo, no ta nifica cu nan ta menos serio, pero simplemente cu hospital awor aki no por trata e pacientnan aki mirando e presion grandi di esnan cu ta infecta cu COVID-19.
“Awor aki cu hospital a cera pa e operacionnan electivo, e lista di espera a sigui crece cu ta crea un situacion fastioso pa e aseguradonan mes, y despues mas presion riba e sector di cuido.” Y segun Jacobs, e no tin e impresion cu e sector ta cla pa duna un contribucion na eliminacion di e lista di espera sin cu e ta acompaña pa e compensacion necesario. “Esey ta pone un presion a lo largo.”
Hospital ta ricibi un suma tur aña. E sistema di lumpsum aki ta permiti hospital determina su maneho. Pero e ta nifica tambe si usa e fondo of no, e instancia ta ricibi e placa y nan ta cera pa servicio. “Y locual nos ta paga, ta keda mescos. Mescos cu e casonan di COVID-19 cu nos ta manda afo. Berdad ta cu e gastonan pa atende e pacient di COVID-19 na Colombia ta mas abao cu na Aruba, e no ta nifica cu ta bay spaar placa. Pasobra riba e lumpsum cu ta paga hospital, tin cu bay paga Colombia tambe. Pues e ta conduci na mas gasto, cu ta mas o menos 50 mil florin pa pacient.”
Cuida pa evita contagio y accident grave
E acuerdo cu a yega cu Ministerio di Salud di Hulanda pa manda personal di Cuido Intensivo adicional, manera tabata dos biaha e caso na 2020 y comienso di 2021 ta nifica cu por wanta mas pacient cu COVID-19 na Aruba mes. Hulanda lo paga pa e personal adicional y lo permiti cu ta hisa e capacidad di ICU di seis pa 11 a 12 cama. Na e momentonan aki tur seis cama di ICU ta yen.
“Si sigui locual tur dia DVG ta publica riba contagio di COVID-19, y cu tin 11 hende manda afo caba, e ta ilustra e presion grandi cu tin riba cuido di salud pa motibo di e coronavirus. Awor aki cu tin tur seis cama yena, ta nifica tambe cu cualkier persona cu haya su mes den cualkier accidente serio, lo mester keda transporta pa exterior, cu tur e riesgo.”
Pa ta e fondo di AZV, tin un espacio financiero pa motibo cu pa hopi tempo Colombia a keda cera pa manda pacient. “Ban spera cu e casonan ta keda unicamente na e 11 hendenan cu ta na Colombia awor aki, y cu tur hende ta sigui e reglanan di distanciamento social y uso di tapaboca, y laba man, manera ta prescribi. Esaki ta pa no keda contagia of contagia otro. Pero tambe ta importante cu nos ta mas cauteloso pa evita cu nos ta haya accidente cu ta nifica cu lo por tin consecuencia pa ICU. Si haya accidente cu ta rekeri ICU y mester bay afo e ta encera riesgo adicional. Pues di un banda evita contagio y evita accidente di cualkier tipo,” tabata e conseho di Edwin Jacobs na comunidad di Aruba.
