(NLTimes)—Minister di Politica di Pobresa, Carola Schouten, kier reduci programa di alivio di debe na nivel municipal pa 1.5 aña. E programa ta encera cu municipalnan ta tuma salario di personanan den problema financiero pa uza esaki pa paga nan debe mientras cu e personanan mes ta haya un cierto cantidad pa biba. Na fin di e programa, e debe cu falta lo wordo absolvi.
E minister ta spera cu e reduccion aki lo haci’e mas facil pa mas hogar por aplica pa asistencia si tin problema cu debe.
Den un acuerdo di coalicion, Cabinet ta priminti pa reduci e duracion di e programa y awo ta implementando politica concreto tocante e concepto. Schouten kier sigura cu debenan ta wordo paga mas lihe, pa medio di pone municipalnan uza prestamo di consolidacion. E ora ey, hendenan lo mester paga nan debe via municipalnan of un banco di credito pa despues no mester preocupa cu recibonan di companianan of organisacionnan di gobierno. Segun e minister, esaki ta duna alivio mental y ta yuda reduci e duracion di e programa di alivio.
“Mi kier pa nos ta disponibel mas trempan cu preocupacionnan di placa, y pa e publico por sigui cu nan bida mas lihe posibel,” Schouten a bisa. Figuranan di estadistico Hulandes pa 2020 ta mustra cu mas cu 600.000 persona tin problema cu debe.
E minister tambe kier investiga si por yuda hendenan cu ta den debe grandi na un manera proactivo. Esaki por wordo haci pa medio di tuma contact cu hendenan cu no por paga pa seguro di salud, por ehempel. Nan data ta warda cu e autoridad di salud publico CAK caba.
E Cabinet ta teniendo cuenta cu debenan den hogarnan lo aumenta pa via di e crisis di energia. P’esey Schouten kier sigura cu hendenan cu debe grandi por wordo haya mas facil pa esunnan cu por yuda. Aña pasa, Cabinet a haci mas placa disponibel pa e programa aki.
Na comienso di e luna aki, Tweede Kamer tambe a dicidi di reduci e duracion di e programa pa 1.5 aña. Corte por dicidi pa haci esaki si e acuerdo di debe maneha pa municipalnan no resulta den un absolve di e debenan.
