In this handout photo released by Roscosmos Space Agency, Russian cosmonauts, commander Оleg Аrtemyiev flight engineers Denis Мatveev and Sergei Korsakov, members of the main crew to the International Space Station (ISS), wave near the rocket prior the launch at the Baikonur Cosmodrome, Kazakhstan, Friday, March 18, 2022. (Roscosmos Space Agency via AP)

(AP) — Administrador di NASA, Bill Nelson ayera a bagatelisa comentarionan recien di agencia espacial Ruso, cu Merca lo mester usa pal’i basora pa bay den espacio despues cu Rusia a bisa cu ta bay stop di provee motor di raket na companianan Mericano.

“Esey ta djis Dmitry Rogozin”, Nelson a bisa AP. “E otro hende cu ta traha den programa Ruso di aviacion civil, nan ta profesional.”

Nelson a papia cu AP algun ora prome cu tres cosmonauta Ruso a lansa for di Cosmodrome Baikonur na Kazakhstan na ISS, e prome lansamento desde invasion Ruso di Ucrania na februari. E guera a resulta den cancelacion di lansamentonan di astronave y contractnan kibra, y hopi ta preocupa cu Rogozin ta poniendo decadanan di un partnership pacifico na riesgo, notablemente na Stacion Espacial Internacional (ISS).

Diahuebs, Agencia Espacial Europeo a confirma cu ta suspendiendo indefinidamente su mision di rover ExoMars cu Roscosmos pa motibo di e guera di Rusia na Ucrania.

“A pesar di tur esey, den espacio, nos por tin cooperacion cu nos amigonan Ruso, nos coleganan”, Nelson a bisa. “Esaki ta e cooperacion cu nos tin cu e programa espacial civil.”