(AP) – E organo saludabel cu tabata robusto y cora oranan prome, a bira un organo practicamente doorzichtig. Ta trata di un porco su higra cu gradualmente a ser transforma pa mustra y actua como un higra humano, parti di cientificonan su buskeda pa calma e nacion Mericano su escasez di organo.

E prome paso pa e trahadornan den e laboratorio aki ta di laba e celulanan di e porco cu a haci e organo haci su trabao. Pa causa di esaki, gradualmente e ta cuminsa perde e color mientras cu a celulanan ta sali. Loke ta keda atras ta algo cu parce rubber transparente, mirando cu tur e adernan awo ta bashi. Despues, ta tuma celula di higranan humano cu a ser duna den donacion pero no por ser transplanta, y hinca esakinan back dentro di e higra nobo. E celulanan aki ta drenta den e adernan y ta cuminsa ehecuta e higra su funcionnan.

“Esencialmente nos ta bolbe cria e organo,” Jeff Ross, CEO di MiroMatrix a splica. “Nos curpa no lo mira esaki como higra di un poroco mas.”

Esaki ta un declaracion fuerte. Durante aña 2023, Miromatrix tin plan di conduci e prome test humano di e tipo aki, unda cu lo test e organo biologicamente modifica pa comproba esaki. Si Food and Drug Administration keda di acuerdo, e experimento inicial lo tuma luga fuera di e pashent su curpa. Investigadornan lo pone un di e higranan aki riba un cama di hospital banda di e pashent pa temporariamente filtra e sanger di un persona ken su mesun higra a faya diripente. Si e higra modifica funciona, esaki lo ta un paso critico den direccion di eventualmente purba un transplante di organo.

“Tur esaki ta zona ficticio pero nos mester cuminsa un caminda,” Dr. Sander Florman, un hefe di transplantacion na New york Mount Sinai Hospital, un di varioshospital cu ya caba tin plan di participa den e estudio aki a declara. “Esaki ta probablemente mas di e futuro cercano cu xenotransplantacion,” of directamente implanta organo di bestia dentro di hende.

Mas di 105,000 persona ta riba e lista di espera Mericano pa ricibi un transplante di organo. Miles lo fayece prome cu nan yega nan turno. Miles no ta logra nisikiera drenta e lista. “E cantidad di organo disponibel nunca lo por cumpli cu e demanda,” Dr. Amit Tevar a splica. “Esaki ta nos frustracion.”

Esaki ta e motibo dicon cientificonan ta mirando den direccion di bestia como otro fuente pa organonan. Un homber na Maryland a biba pa 2 luna despues di a ricibi e prome transplante di curason di porco den un humano januari ultimo, un bestia geneticamente modifica pa asina su organonan no genera un atake di biaha di parti di e sistema inmunologico humano. FDA ta considerando si lo permiti experimentonan adicional di xenotransplantacion usando higra of curason di porconan cu ta modifica geneticamente. “Esaki ta zona manera algo cu den termino largo lo ta hopi probabel di contribui den e desaroyo di organonan cu nos por usa den ser humano,’ Tevar a expresa.