Diahuebs merdia un adicto ambulante conocido yama Lloyd – un hoben cu ta den mal caminda – aparentemente su cabes a flip y a pasa man pa un baranca y cuminsa guera tur hende cune. Hasta a dal un hyundai creta blanco kibra e glas y despues un suzuki swift. Pero e suzuki swift cu un dama aden e baranca a herida e dama unda polis a solicita ambulance. Polis di Bario a tuma datos di ambos victima, cu yudansa di patruyanan di Oranjestad, trafico y recherche Oranjestad cu a drenta accion a tene un buskeda grandi den area di playa y ex Bushiri hotel.
Mester a haya e sospechoso debi cu a causa daño na dos auto y lagando un persona herida sin cu nan a haci e nada. Un persona a wanta e sospechoso y avisa un polis di noord cu tabata pasando den e bisindario y asina a detene e sospechoso. Tabata Lloyd cu dos luna pasa a haya ayudo di parti husticia pa keda interna algun simannan pa mehora pero ta mustra cu esei no ta yuda. E polis di bario Oranjestad cu tabata encarga cu e proyecto hunto cu Minister di husticia awor tin cu bay delibera kico pa haci cu tipo di adictonan ambulante asina. Seguramente pa cuminsa tuma medida mas fuerte cu apoyo sigur di Ministerio Publico.
