ORANJESTAD – Dialuna mainta a tuma luga evento bus di alegria pa tur studiante di e departamento di persona cu limitacion. Stichting verstandelijk gehandicapten Aruba a organisa actividad.
E actividad a cuminsa 9or di mainta, 8 bus a sali for di SVGA pa asina cuminsa e recorido y termina pa 11or di mainta na Parke Jaburibari. Director di stichting Els van Homelen a duna un palabra di gradicimento pa haci evento posibel y traha duro pa haci esaki un dia special pa cada persona cu ta atende e departamento di SVGA.
Pa cada un di departamento a participa di pasadia Bibito Pin, pasadia Briyo di Solo, centro Man Na Obra, cas Sjabururi y scol Dununman. Tabata tin cantica pa nan baila, wega y cuminda. E directora tambe a duna danki na e maestro cu ta dedica nan tempo pa e muchanan y na cada director di cada departamento.
Minister president Evelyn Wever-Croes (MEP) a bisa cu ta gradici esunnan cu a haci evento posibel, y minister Glenebert Croes cu tambe a haci e actividad posibel. “Di parti di gobierno mas cu nos por haci pa boso nos lo haci e, pa asina boso ta contento y tin e sonrisa di cada persona ta duna nos esfuerso pa continua.”
Miembro di parlamento y di fraccion MEP, Hendrik Tevreden, presidente di parlamento Endy Croes, Edgar Vrolijk y Shailiny Tromp-Lee tambe tabata presente. “Nos di fraccion MEP ta spera boso a pasa un dushi dia y felicita Glenbert pa e proyecto. El gradici e persona pa locual nan a haci pa tin un dia asina”, Tromp-Lee a bisa.
E dia a continua cu entretenimento di George Winterdaal y Esmeralda Tromp ‘tan tio’, cu otro actividad pa asina laga e mucha, adulto y hoben cu limitacion pasa un tempo pa nan celebra.
[maxgallery id=”37810″]
