(AP) – Un bus cu tabatin decenas di muchanan di scol abordo a bolter riba caretera rond di e ciudad di Liverpool, causando e fayecimento di e chauffeur y un hoben di 14 aña segun polis a reporta.
E bus tabata transportando muchanan for di scol di gramatica Calday Grange y West Kirby na Wirral Peninsula, via e Riu Mersey for di Liverpool. Trafico mester a keda blokia mientras polis y otro servicionan di emergencia a responde na e incidente, cual a keda reporta net despues di 8or di mainta.
Dos otro persona cu tabata den e bus a ser hiba Alder Hey Children’s Hospital na Liverpool a cuasa di heridanan serio cu nan a sufri, mientras un gran mayoria di otro pashent a ser hiba hospitalnan den cercania pa tratamento di e heridanan menor, North West Ambulance Service a informa.
Un total di 50 mucha a ser transporta na un centro pa atencion despues di accident. 39 di nan por a bay cas mientras cu otronan mester a bay hospitalnan alrededor pa ricibi mas tratamento a causa di e accident.
