Mientras cu tin un discusion si mester bin un punto di denuncia of no den Parlamento, e grupo di manifestante cu a trece manifiestonan Parlamento cu diferente peticion y ponencia kico falta, Minister Paul Croes a bisa den medionan di comunicacion cu e aspecto di un punto di denuncia no ta valido, mirando cu esaki ta existi den forma di Bureau Sostene mi. Esaki, segun e mandatario, a keda informa den Parlamento durante un encuentro. Sinembargo e no a wordo formalisa den un ley den nos codigo civil, cu mester tuma luga ainda. E codigo civil ta acapara un cantidad di ley cu mester wordo cambia den un solo reunion.
E titular di asuntonan social y labor a splica cu den nos codigo civil ta haya leynan di labor cu tin cu wordo cambia. Sinembargo den capitulo number 2 ta trata abuso di mucha. Den e ley aki, e nombramento di Bureau Sostene mi como punto central di aviso lo mester wordo formalisa den e lunanan cu ta bin.
Mientras tanto si Bureau Sostene mi ta fungi como e punto central di denuncia, unda cu tur persona na Aruba, cu por mira cu cierto abosonan ta tuma luga, por indica na Bureau Sostenemi pa asina nan tin un registracion central di e cantidad di abosonan y tambe por haci un chekeo despues, dependiendo e grado di e caso y tambe na unda caso ta. Sea cu e ta bao di investigacion na Jeugd en Zeden Politie of Voogdijraad pa check aspectonan social di e famia, sea cu ta na Spoed Eisende Hulp of ImSan of na Ministerio Publico, Bureau Sostenemi lo bira e link pa por sa e stand van zaken di loke ta e caso.
Hopi biaha por scucha e minister ta bisa tambe cu e comunicacion, comunicacion, coordinacion entre departamentonan mester ta mas eficiente. Si esaki sosode na e momentonan aki, tin por ehempel un pediatra, of por entrega un keho na polis. Di nan parti nan lo pasa e informacion na Bureau Sostenemi. No ta un asunto cu Bureau Sostenemi tin cu haya e prome yamada, sino por bay polis y meld kico a sosode y polis lo pasa e informacion bek, pa nan tin un registracion di e caso cu a drenta na e momento ey cerca JZP, of a drenta na un pediatra. Den tur e aspectonan aki. Ta importante pa e comunicacion entre polis, pediatra y otro instancianan cu ta ricibi tipo di kehonan aki, coordina esaki bek na e punto central di denuncia , cu tin cu wordo formalisa den ley.
Comprension pa situacion
Desde november aña pasa, tin un acuerdo y un protocol entre 17 diferente organisacion cu ta trata abuso di mucha. Esaki ta e parti preventivo, sector di crisis, sector di cuido, y na momento cu el a sosode, ta bay den aspecto di crisis. Tin un coordinacion mas miho compara cu antes den veld, den e cadena di cuido di nos muchanan, pero manera tur momento e minister a sali afo, cu no ta na unda cu nan kier ta.
Gobierno ta haciendo su maximo pa duna un man den e parti preventivo. Gobierno tambe ta admiti cu kisas cosnan por bay robes, pero ta bringando den tur su forsa pa purba di evita cu cosnan por continua bay robes.
Ta haya lamentabel si cu ainda tin diferente vandalismo cu ta wordo cometi riba diferente luga na Aruba y ta sigui ainda cu e campañanan negativo aki pa loke ta pintamento riba luganan cu e palabranan “Pro Pedofiel”. E minister no sa kico ta e intencion pa continua cu tipo di actividadnan aki. Ta penoso pa mira cu iglesianan ta wordo susha cu e vandalismo aki.
A bisa tur momento tambe cu tin comprension pa e situacion di mayornan cu ta pasa den e situacion aki y no solamente un mayor. Tin comprension pa tur e casonan cu ta sosode na Aruba, e minister a splica.
