Ayera mainta a tuma luga e training di tsunami aki na nos isla bou di e nomber Caribe Wave 2018.
En total 34 departamento- y organisacionnan a participa den e evento anual.
No solamente na Aruba, pero full e area di Caribe a participa na e training di tsunami. Meta principal di Caribe Wave ta pa conscientisa e comunidad pa e tema di tsunami.
Pa 11.52 e prome sms a drenta riba entre otro telefon cu e alerta pa un tsunami aki na nos isla. Tambe e sms a duna e conseho pa busca un luga of tereno mas halto o bay mas paden di e isla.
Participantenan tabata, entre otro algun hotelnan grandi, pero tambe por ehempel esunnan mas chikito como Boardwalk Hotel; APA, Meteo Aruba, WEB, Korps Mariniers hunto cu Arubaanse Militie, KPA, ATIA, ATA, Brandweer y Directie Volksgezondheid. Unico scol basico cu a participa tabata Rosario College.
