Bureau Rampenbestrijding Aruba: ‘Tn cu garantisa cu e nomber di Aruba ta safe den tur plataforma’

Ta conoci cu pa ultimo dianan tabatin biento fuerte, lama bruto y tabatin aviso pa botonan chikito. Di parti di Bureau Rampenbestrijding ta keda duna e mensahe di parti prevencion y tambe cautela pa turista den area di hotel caminda tin watersports ta tuma luga.

Rino Hermans di departamento di Bureau Rampenbestrijding a duna di conoce cu coriente di lama no ta algo di haci wega cune. E ta un punto di atencion cu nan tin pa ultimo aña mirando cu turismo ta pilar economico.

Mirando e tempo, tin cu wak turista ora nan haci uzo di beach y tene na cuenta e parti di siguridad di bishitante. Si yega na caso cu lama ta bruto, nan departamento lo introduci e ley di bandera.

Hermans ta agrega cu ta constata cu tin hende birando victima di situacion climatico mirando cu coriente y biento a subi. Mayoria victima ta turista. “Si tin famia cu no ta di acuerdo cu nos propaganda di siguridad, e actividad acuatico nan mes ta bay prensa y por bisa cu Aruba ta unsafe pa haci uzo di beach.” E departamento ta trahando pa introduci e bandera di lifeguard pa ‘mitiga perdida di bida’.

Ora cu ripara e risico cu ta subiendo y nan ta purbando pa sinta cu stakeholders pa un plan di maneho di siguridad. Si nan a tuma nota cu a inverti ‘masha hopi den siguridad’ pa locual ta trata husticia pero e siguridad aki no a extende su mes naturalmente pa siguridad di bishitante. E hefe di e departamento a comenta cu ‘e pakete completo no a duna atencion’.

Nan ta den combersacion cu gobierno pa identifica e siguridad di turista manera un pakete completo di husticia y tur otro factor cu tambe mester pone atencion riba dje. “Nos ta den un situacion climatico cu watersport y hotel tin cu tene cuenta cu esaki, pa asina e turista ta safe den beach.”

Di nan departamento nan sa cu e risico a subi. Nan ta estableciendo contacto pa scucha tur partners. Di departamento no ta bay pretende di tin solucion of bisa cu asina ta bay sinta cu partners y conhuntamente ta bay bin cu concepto pa alera di meteo asina por scapa bida di hende.

Sinembargo e gasto financiero tambe tin e punto di atencion cu ta tuma nota ribe dje. Pa projecta, Hermans ta bisa cu nan tin un plan pa medio di maart 2020 caminda tin un bista e parti banda lama y pa pone bandera of un borchi caminda tin informacion di mesun risico.

Hermans ta agrega cu tin cosnan chikito cu nan mester duna atencion y cu esaki ‘ta costa placa’ pero asina ta scapa economia cu accion chikito. Nan ta den comunicacion cu departamento di bombero y polis pa asina wak actividad di watersports miho.

Tin un network den doño di watersports pero nan no ta na altura di Burean Rampen. Pero tin di nan cu ta miembro di AHATA cu ta participa den entrenamento di departamento. Sinembargo lo sinta cu nan pa maneho di e parti aki. Pa motibo cu ta bida ta perde den ultimo dos aña den analisis di data ‘tin cu garantisa cu e nomber di Aruba ta safe den tur plataforma’.