Bureau City Inpsector: ‘Ta pidi pa comunidad no haci uzo di palet’

Bureau City Inspector ta comparti cu comunidad pa temporada di carnaval, pa persona no bay uza palet. Mirando cu dialuna awo ta e fecha caminda tur hende ta cuminsa pone kavel, tent y trailer, ta pidi pa tur hende cumpli cu regla cu DIP ta stipula.

Robby Rosel, relacionista publico di Burea City Inspector, a splica tocante e uzo di palet riba tereno priva cu tabata paden di area di Colegio Arubano. E departamento ta bisa pa mantene e limpiesa y mantencion di ruta pa carnaval ta ‘mas bunita cu ta posibel’.

Rosel ta bisa cu aña pasa, mientras cu no tabata permiti palet riba ruta di carnaval, alrededor di 45% di ciudadano a coopera cu esaki y cu un final exitoso hende a compronde e mensahe. Sinembargo tabatin algun parti cu ta cay den e propio tereno di cualkier departamento. Nan ta pidi pa cooperacion, pa motibo cu den ruta di carnaval tambe ta wak of participa hende di exterior.

E aña aki, Bureacu City Inspector a tuma contacto cu Colegio Arubano (mescos aña pasa) pa asina ora nan huur nan luga, pa nan no laga persona uza palet y pa nan uza cualkier otro material cu ta mas bunita. “Aña pasa tabata un desaster.”

Nan a tuma nota cu comunidad a coopera pa mantene nan trailer y tent sin palet. Nan a kita algun palet for di ruta di carnaval, cual ta e ruta di LG. Smith Boulevard y Vondellaan. Nan a traha duro riba esey pa elimina e palet ey.

“Lamentablemente nos no por a haci nada pa e cura di Colegio Arubano, pa motibo cu ta cay den e tereno di e scol. A tuma contacto cu e scol y nan a bisa cu den reunion lo trece e punto dilanti y pone den nan regla cu ta stipula pa parada di carnaval”, Rosel a bisa.

Mescos cu nan tin regla pa e parti di e scol, e ta kere cu nan lo asumi esey tambe ta pa pone regla cu no mag di haci uzo di palet riba e ruta di carnaval cu ta stipula den articulo cu gobierno tin di DIP, di materialnan cu por uza durante carnaval.

Nan a papia cu esunnan di Vondellaan, caminda nan a duna un bon cooperacion. Pero toch Rosel ta agrega cu na final, mester a kita palet, ‘no por keda bay y bin’. A bisa cu locual ta e caminda di Talk of the Town mester a kita dos biaha, caminda no ta ni permiti pa pone auto of palet.

Cada skina cu un persona ta tapa entrada, no por staciona auto. E biaha aki cuerpo policial conhuntamente cu DOW y Bureau City Inspector lo ta trahando durante henter e parada, pa asina mantene e ruta controla.

“Nos lo ta visibel pa tur actividad di carnaval. Pa tur evento cu lo tin, nos lo ta presente pa por mira cu tur cos ta cana bon. Den e mantencion y limpiesa di cada luga, mirando articulonan cu ta uza manera plastic durante eleccion cu ta wordo tira y cosnan peligroso, y ta haci e cayanan di Aruba sushi”, el a comparti.

Rosel a duna di conoce cu pa locual ta trata e area di Noord, nan a ricibi cooperacion cu palet y nan a kita solamente 10 riba ruta. Ta spera di conta cu sosten di pueblo di Noord ‘cu cada un pa un bunita carnaval’ por mantene e ruta mas limpi cu ta posibel.

A puntra si mag di pone palet toch na area di Noord. Rosel a contesta cu locual a tuma luga na Noord ta cu nan a pone palet y Bureau City Inspector a kita esaki y nan no a ripiti bek. Pero locual ta pasa cu e area di plata, nan ta kita esaki y persona ta bolbe pone na mesun luga.

E regla riba e permiso di DIP ta bisa cu no mag di uza palet riba ningun ruta di carnaval. Pero esey no a yega completo na tur hende. E ta bisa cu tin hasta departamento di gobierno cu ‘ta supone di sa e regla aki’ pero toch ta pone palet bou di trailer pa wanta esaki. Segun Rosel, por uza algo otro pa wanta bou di trailer, pa asina tur hende por gosa di un forma ‘sano, bunita y limpi’ caminda tin cu traha hunto.

E departamento di DOW, Serlimar lo ta presente pa recoge tur sushedad cu keda atras y sigur por bisa cu tambe Bureau City Inspector lo controla y guia cada un di tres menciona, pa parti saco na cada actividad manera cu a haci aña pasa, asina persona mes por ruim op y trahado di Serlimar tin menos ta trabou.

“Ta suplica na tur esunnan cu ta para for di cuminsamento di Cas di Gobernador te fin di parada pa por fabor tira tur desperdicio, pa asina mantene e ruta limpi pa ora cu participante y bailado yega na e parti final, cu nan no ta bay bolter of trompica cu pia, cay y por haya desgracia”, el a enfatisa.

Rosel ta bisa cu ta compronde cu ‘nos tur ta bebe’, pero mester tin cuidou. Pa finalisa e ta desea pueblo di Aruba un feliz carnaval y ‘laga nos gosa sanamente’.