Riba caminda di Malmok awacero fuerte di ultimo tempo a laga algun buraco di considerable tamaño den e asfalt. Aparentemente nos autoridadnan ta na altura di e asunto pasobra a pone un pilon oraño riba caminda pa adverti trafico di e peligro.
Lamentablemente no a conta cu e biento fuerte di cuaresma cu a cuminza supla caba, cu resultado cu e pilon a bay pega den e matanan banda di caminda. Tambe a spuit ferf oraño rond di e buraco, loke no ta yuda pasobra ora bo mira esey, probablemente bo a dal den e buraco caba.
Ta asina dificil pa nos autoridadnan di Infrastructura comprende cu e UNICO solucion ta drecha e caminda debidamente?
