(NLTimes)—Hopi biaha, ex-empleadonan di Schiphol Airport ta keda cu nan uniform y carchi di acceso, cual ta keda activo, segun un investigacion pa un profiel riba Youtube yama Vrije Vogels y medio di comunicacion Panorama. Nan a manda ex-empleado drenta e aeropuerto cu un camara scondi. El a logra yega te na e pasarela di avion sin causa ningun sospecho.
Vrije Vogels y Panorama a cuminsa e investigacion un aña pasa despues di a ricibi un tip for di un ex-empleado cu ainda e tin su carchi di acceso y uniform. Investigacion mas profundo a mustra cu no ta e so. “A resulta cu nuebe e ex-empleado anonimo a contribui cu nan storia.”
“Nos denunciante a traha na Schiphol pa un tempo cortico, pero su paña y carchi di acceso ainda ta den su posesion,” segun Sven van der Meulen di Vrije Vogels. “Personal cu ta kita, mayoria biaha keda cu nan carchi, cual ta keda activo.”
E programa a puntra su fuente anonimo pa test si e carchi ta traha ainda mientras cu e ta bisti un camara scondi. E fuente a parkeer den parkeerplaats di personal y facilmente a habri e porta di e aeropuerto pa personal cu su carchi. El a cana den aeropuerto, te yega e pasarelanan, sin ningun hende purba stop e of puntr’e ki e tabata haci eynan.
“Nos fuente a traha na Schiphol basta tempo pasa, a kita tambe basta tempo pasa, pero nunca a entrega su carchi y uniform,” e programa a bisa. “Seguridad di aeropuerto ta algo pa hari.”
Schiphol no kier a duna contesta na e preguntanan di Vrije Vogels y Panorama. Parlamentario di CDA, Anne Kuik, a bisa cu e ta bay trece e asunto aki na parlamento.
