FILE - El Salvador's President Nayib Bukele speaks to the press at Mexico's National Palace in Mexico City, March 12, 2019. Authorities confirmed on April 17, 2024 that Bukele released the father of a Salvadoran soccer player Marcelo “El Chiky” Díaz from prison after the athlete from Salvador's national team published a plea for his release on social media, saying his father was wrongfully arrested as a suspected gang member on the way to see him play. (AP Photo/Marco Ugarte, File)

(AP) — Presidente di El Salvador, Nayib Bukele a libera tata di un futbolista Salvadoreño for di prison, despues cu e atleta a publica un suplica pa su liberacion riba rednan social, segun autoridadnan a confirma ayera.

Marcelo “El Chiky” Diaz, kende ta hunga pa team nacional di El Salvador, a publica un carta riba X diamars, bisando cu polis a aresta su tata pa eror como sospechoso di ta miembro di un gang, mientras e tata tabata na caminda pa mira su yiu hunga dia 30 di maart. Diaz a haci un suplica directo na Bukele, kende tin un control firme riba poder despues di a keda reeligi na februari a pesar di un prohibicion riba reeleccion.

“Den nomber di su persona, mi mes y henter nos famia, nos ta pidi bo for di fondo di nos curason pa drecha e eror aki y pa mi tata por bolbe cas, na su rutina, na su trabao y cu su famia,” segun e futbolista, kende a sigura cu su tata ta un homber cu nunca tabatin problema cu ley.

Aresto di tata di Diaz ta parti di un accion mas grandi contra gang na e nacion Centro Americano cu a gana Bukele un popularidad enorme, pero tambe a duna impulso na acusacion di abuso masal di derechonan humano.

Despues di un ola di violencia di gang dos aña pasa, na maart 2022 Bukele a anuncia un “estado di emergencia,” suspendiendo hopi derecho constitucional clave y cerando casi 80mil persona – mas cu 1% di poblacion Salvadoreño – kende gobierno a bisa tabata sospecha di ta miembro di un gang.

Frecuentemente ta aresta hende cu tiki evidencia di laso na gang, y ta cera nan den prison describi como camara di tortura cu tiki acceso na un proceso debido. Na januari, vice-presidente Felix Ulloa a bisa Associated Press cu gobierno a “comete eror” den aresta hende cu no a comete crimen. El a bisa cu alrededor di 7mil persona aresta bao di estado di emergencia desde e tempo ey a keda den libertad.

Familiarnan hopi biaha ta pasa añas sin mira nan sernan keri, pero ayera – un dia despues cu e futbolista a post e carta riba rednan social – autoridadnan a confirma cu a libera su tata.

“Danki na tur hende, pero principalmente na Dios pa ta un Dios di husticia,” Dias a skirbi ayera riba X. “Mi tata ta na cas. E ta bon, e ta saludable, el a wordo trata bon. Mi solidaridad cu tur famia cu ta pasando den situacionnan similar.”