Un bubi su color a bira oraño briyante despues di cay den un curry. E parha a cay den un container di galiña tikka masala ora e tabata purba di gara un pida carni for di un bari sushi di un fabrica.
E bubi a ser rescata pa trahadonan di e fabrica na Wales y hiba na un hospital di bida salvahe. Staf na e centro a uza likido di laba co’i kibra pa haci e plumanan di e parha limpi. Nan a logra dun’e bek su color blanco, pero no a logra kita e holo.
Lucy Kells, kende ta un enfermero veterinario, a bisa: “El a sorprende tur hende akinan – nos nunca a mira algo asina antes. Locual a duna nos un shock tabata e holo. E tabata hole increibel, e tabata hole hopi bon.”
