(TMZ) – E banda mas grandi mundialmente ta na un di e residencianan mas famoso, den nomber di para cu e odio na personanan di Asia.
E super grupo di e genero Kpop a dirigi na miembronan di prensa durante diamars su conferencia di prensa na e Cas Blanco pa trece enfoke riba e aumento preocupante di e crimennan basa riba odio di personanan Asiatico y con importante inclusion di e comunidad Asiatico ta y diversidad.
Durante e conferencia, BTS a duna danki na President Biden pa e oportunidad pa trata e problematicanan aki y pa corda nan con importante nan bos ta como artista. Dia 31 di mey ta marca e ultimo dia di Asian American and NAtive Hawaiian/Paficic Islander Heritage Month.
E grupo tambe tin plan di tin un reunion cercano cu President Biden den e Oficina Oval pa sigui dialoga di cerca e crimennan cu ta atacando e comunidad di Asiaticonan den Merca, cual tambe ta bini despues di e president su prome biahe na Asia como president di Merca.
Manera ta conoci pa varios, President Biden tin tempo ta papia y trece enfoke riba e aumento di crimennan di odio contra e comunidad di Asiaticonan desde comienso di e pandemia. Aña pasa, el a firma pa e acta COVID-19 Hate Crimes bira un ley.
