WILLEMSTAD – E contratista maritimo Bernhard Schulte Shipmanagement (BSM) ta considerando pa para e administracion di petroleo di e empresa petroleo estatal PDVSA pa fin di e luna aki of na april proximo, despues di e sancionnan di Merca contra e pais, esaki ta locual BMS a bisa e siman aki.
Tambe a wordo bisa den un comunicado cu e desaroyo politiconan recien a haci e gestion di activonan para e gobierno Venezolano “cual ta un tarea casi imposibel” y nan tabata trahando pa duna bek e barconan Venezolano den man di maritimo di PDVSA, PDV Marina y su subsidiarionan.
E firma di Alemania cu ta opera un flota di 15 embarcacion nan di PDVS a traha na e pais Latino Americano durante casi 25 aña, a bisa cu e barconan petroleo cu ta bay bek PDV Marina a demostra di ta un tarea dificil considerando e falta di recurso na Venezuela.
“ Sin embargo, nos intencion ta trata di debolbe tur e barconan nan PDV Marina y su subsidiarionan mas pronto su ta posibel”, el a bisa.
Venezuela ta hinca den un crisis economico y e gobierno di presidente Nicolas Maduro ta bou sancionnan desde fin di januari ultimo, ya cu Merca y docena di otro nacionnan a reconoce su rival, e hefe di Congreso Juan Guaido, como lider di e nacion.
Diamars ultimo, PDV Marina a declara un emergencia debi na falta di personal pa ricibi inmediatamente e barconan cu BSM a propone pa regresa e puertonan Venezolano debi na facturanan di cu no a wordo paga di mas o menos 15 miyon dollar.
Segun un fuente di e compania al menos 10 embaracion tin tripulantenan di BSM abordo diahuebs pasa. Ademas, dos otro barco a wordo opera pa BSM pa PDVSA a permanece hancra na Portugal sin e tripulantenan y uno na Corsou, cu ta e conocido Icaro.
