Un informe di e Conseho di Europa a solicita un investigacion publico independiente di e asesinato cu bom den auto, contra un periodista investigativo na Malta, criticando e ritmo ‘glacial’ di e caso.
Ta kere cu 3 homber di Malta a activa e auto cu e bom, unda nan a mata Daphne Caruana Galizia, di 53 aña di edad, na caminda cerca di su cas. Dos luna despues a cera e sospechosonan, pero huicio no a cuminsa y e personanan por wordo libera.
Ningun hende a wordo cera pa ordena asesinato di Caruana Galizia, kende a bira un di e periodistanan mas conoci pa su informe regular di denuncia di corupcion na Malta. Legislado Pieter Omtzigt a bisa cu investigacion di polis a wordo retrasa pa e negacion di autoridadnan pa retira un oficial cu conflicto di interes. Polis a faya di obtene informacion for di e laptop di Caruana Galizia ora esaki a wordo ofreci, y a faya di investiga figuranan publico prominente di kende Caruana Galizia a skirbi.
Gobierno di Malta a critica e informe como un ‘declaracion incorecto cu ta expone un agenda cu no ta basa riba e berdad di asunto’. E Conseho di Europa di 47 pais, cu ta yama su mes e organisacion lider den derecho humano di Europa, a emiti resolucionnan similar den pasado, destina pa protege periodistanan, notablemente enfoca riba e gobiernonan di Turkia y Rusia.
