(AP) – Britney Spears su tata a haci peticion riba diamars na corte pa caba cu e conservacion cu a controla e cantante su bida y placa pa 13 aña.

James Spears a haci su peticion pa termina e conservacion den Los Angeles su Corte Superior.

“Manera Mr. Spears a keda declara biaha tras biaha, e unico cos cu e kier ta loke ta miho pa su yiu,” e documento ta declara. “Si Mr. Spears kier termina e conservacion y ta kere cu e por maneha y lidia cu su mesun bida, Mr. Spears ta kere cu e mester ricibi e oportunidad di haci esaki.”

Britney Spears su abogado Matthew Rosengart a bisa den un e-mail cu e documento y peticion ta “representa otro vidtoria legal pa Britney Spears, uno sumamente grandi, pero tambe ta comproba cu Britney Spears tabata den lo corecto.”

James Spears tin tepo siendo e recipiente di hopi rabia pa causa di e conservacion di ambos su yiu y e publico.

Un peticion di Britney Spears su abogado pa kita su persona tabata den plan di ser trata den un audiencia riba dia 29 di september.

James Spears a bisa den un documento riba dia 12 di augustus cu e tabatin plan di retira como conservador di su finansa, pero no a ofrece un tempo unda cu esaki lo tuma luga. El a renuncia su control pa cu e decisionnan personal den 2019, manteniendo solamente su rol den conservacion di su placa.

Den varios ocasion el a bisa cu no tin hustificacion pa kita su persona, y ta mantene cu semper el a actua den miho interes di su yiu.

E conservacion a ser estableci den aña 2008 ora cu Britney Spears a cuminsa tene dificultadnan mental publico mientras cu medionan tabata obsesiona riba cada un di su movecion, cu cantidadnan grandi di paparazzi agresivamente siguiendo su persona tur caminda, y unda cu tambe el a perde custodia di su yiunan.

Diamars su documento ta cita con Britney Spears su “gran suplica” pa caba cu e areglo legal aki den su speech dia 23 di juni den corte a activa e personanan cu tabata kier mira su persona libera di esaki, citando e transcripcion di e atardi ey.

“Mi djis kier mi bida bek,” Britney Spears a bisa. “Y solamente a pasa 13 aña y esaki ta suficiente. Ya a pasa un tempo largo desde e cu mi tabata dono di mi mesun placa, y e ta mi sono y deseo pa tur esaki caba sin problema.”

E documentonan entrega tambe a nota cu Spears a bisa e no tabata sa cu e por haci un peticion pa caba cu e conservacion, cual te ainda e tin cu haci. E ta bisa cu Penny su decision di permiti su persona contrata Rosengart como su abogado ta demostra cu corte ta confia su persona cu decisionnan grandi y importante. Tambe ta bisa cu evidencia ta demostra cu aparentemente ya “e ta demostra un nivel di independencia” pa medio di haci cosnan manera stuur su mes na luganan rond di Southern California.

Tambe ta cita su deseo di haci su propio decisionnan pa u terapia y otro cuidonan medico.

Spears a bisa den su speech riba dia 23 di juni cu e tabata ser obliga bao di e conservacion di tuma cierto medicamentonan y pa usa dispositivonan intrauterino pa controla embaraso fuera di su consentimento.

James Spears a haci un yamado na corte pa haci un investigacion pa cu esaki y otro acusacionnan, bisando cu nan tabata incidentenan y problemanan fuera di su control pa motibo cu el a retira como conservador di su yiu su ersona, dunando e rol aki na e profesional cu corte a pone como conservador di Britney su persona, Jodi Montgomery.

Rosengart a bisa cu ora cu el a ser contrata den juli e tabatin e intencion di yuda termina e conservacion, y a cuestiona si di berdad esaki mester a ser estableci den prome luga, aunke te ainda e peticion di terminacion no a ser entrega.

Na luga di esaki, el a bisa cu su meta mayor ta di dshaci di James Spears, ken el a reta, y pidi pa retira di inmediato den su prome aparencia den corte.

Den su e-mail respondiendo na e peticion, Rosengart a indica cu su tactinanan no lo cambia.

“Aparentemente Mr Spears ta kere u e por purba di evadi su responsabilidad y husticia,” Rosengart a bisa, “incluyendo sinta den corte y contesta preguntanan basa na cierto descubrimentonan despues di huramenta honestidad, pero mientras cu nos ta evalua su peticion, cual por cierto a ser inapropiadamente manda na e medionan prome cu el a ser sirbi na e consul, nos lo sigui explora tur nos opcionnan.”

Spears a duna e conservacion su existencia na prome luga elogio pa a duna e oportunidad di mantene su carera na bida, aunke awo e tin mas di dos aña cu un pausa de n tur actividad y trabao.

Fanaticonan contra di su circumstancianan y mirando loke nan tabata kere ta peticion pa ayudo di e celebridad riba su publicacionnan riba instagram, a cuminsa e movemento yama #FreeBritney, y a cumina haci aparencia pafo di corte pa protesta.

Nombernan famoso di Miley Cyrs pa Britney Spears su ex Justin Timberlake a expresa apoyo den e lunanan recien, specialmente despues di Britney Spears su speechnan apasiona den corte den juni y juli.

Penny, e hues cu e poder riba e conservacion, nunca antes a expresa intencion di caba esaki, sinembargo, tampoco el a ser presenta cu un oportunidad manera esaki.