Diasabra marduga na Peking restaurant Santa Cruz un dama na grito ta pidi yudansa di Polis debi cu tabata tin un bringamento y menasa a cay. Di biaha patruyanan policial ta presenta na e sitio. A bin topa cu un grupo di persona ta wantando un homber na suela.
E personanan a conta polis cu e homber aki ora cu e doño di e bar a dicidi di cera e bar cu tur hende ta saliendo pafo diripiente e homber a cuminsa insulta tur hende y cuminsa menasa un dama y a dal e dama un mokete. Otro cabayeronan cu tawata cu e dama eynan a hala su atencion bise pa no dal hende muhe ata e homber diremate a cuminsa bringa cu tur e cabayeronan y te hasta ranca cadena di nan kibra. Eynan e cabayeronan no a tolera y mande e homber suela mesora.
Polis a detene e homber pa menasa y agresion. Polis a tuma dato y a pidi e personanan pa pasa oficina di recherche pa entrega keho. Polis a tuma e bais cu e homber deteni tawata cune den beslag.
