(Infobae) – Personal di Secretaria di Defensa Nacional (Sedena) di Mexico cu ta participa den labornan di buskeda y rescate di victimanan di temblor na Turkia a logra rescata un persona cu bida cu a keda trapa entre escombronan pa cuater dia, pa loke a aumenta speransa di haya mas persona.
“Personal cu ta integra ayudo humanitario a logra rescata cu bida un señora grandi di 70 aña cu tabata trapa entre e resto di un edificio cu a cay,” Secretario di Defensa Luis Cresencio Sandoval a bisa.
Secretario di Relacionnan Exterior, Marcelo Ebrard, a destaca e labornan di e personal di Sedena, asina como di tur personal cu ta brinda ayudo den e zona afecta pa e temblor di dia 5 di februari, cu te awor a laga un cifra di casi 20.000 morto.
E designacion Mexicano a logra te awor e recuperacion di tres curpa, sin bida, na ciudad di Adiyaman. Di esaki, Ebrard a splica diahuebs mainta cu ekipo Mexicano ta bay realisa labornan di buskeda na e 70 edificio cu a wordo encarga pa nan.
Cu e accionnan aki, integrantenan di delegacion Mexicano di ayudo humanitario cu ta conforma pa Cruz Cora, Marina y Proteccion Civil, a duna apoyo na poblacion afecta pa e temblor, Gobierno di Mexico a señala.
Tambe e delegacion Mexicano aki ta conta cu ekipo interinstitucional specialisa den buskeda y rescate urbano, tin personal acredita pa Mecanismo di Acreditacion Nacional “Usar” na unda tin 150 elemento di Secretaria di Defensa Nacional, Secretaria di marina y Cruz Cora Mexicano.
Como parti di esfuerso di Mexico pa sigui apoya e poblacion Turco, ta organisando un segundo etapa di ayudo pa manda cuminda na Turkia, e cual lo wordo recolecta na base Aereo di Santa Lucia, Estado di Mexico.
