Update: un poll (di EenVandaag) tambe ta mustra un mayoria (54%) pa organisa un referendum na Hulanda. E partido politico PVV a yama pa tene un referendum tambe, despues di felicita Gran Britania cu su independencia. Prome Minister Mark Rutt a contesta cu un referendum lo ta algo ‘completamente iresponsabel’, como cu e economia Hulandes ta recuperando. E movimiento anti Europa na Hulanda ta yama Nexit (analogia di Brexit).
Britania a vota pa sali Union Europeo y analistanan ta preocupa cu e resultado di esaki por tin consecuencianan hopi grave pa e mundo politico di Europa.
Un poll recientemente haci na YouGov a mustra cu desde 7 pais cu a poll, e mayoria den 6 di e paisnan aki ta sinti cu mas pais lo kies pa sali for di Union Europeo si Brexit mester pasa.
69% di Sweden ta kere cu lo tin mas pais cu lo sali for di Union Europeo despues cu Britania sali, cu 66% di Danes y 57% di Norway. ”For di un perspectiva Europeo, e pregunta di e resultado ta un cos,
pero si bo mira e situacion fuera di loke e referendum ta mustra, bo ta tratando kinan cu e ”eurosceptic” y partidonan populista tur caminda alrededor di e continente ultimamente y,
si U.K. keda of bay, mi ta kere cu locual ta mas importante pa wak aki ta cu e dianan di integracion ta basicamente termina” , Carsten Nickel, analista di riesgo politico na Teneo Intelligence ta bisa CNBC
prome cu e resultadonan a drenta.
Por lesa mas aki: NBC NEWS
