Despues cu e atletanan a registra nan a haña sa cu nan ta bay bringa diahuebs den nan categoria y Henk
Meijer a pone su plan di accion traha mesora. Training a start dialuna mainta trempan y Zahyon Klabér y Jourdé Klabér a bay core rond den e veld di bala. Henk Meijer a plania pa nan train atardi den e sala di e evento, pasobra eynan tin dos sala grandi y tur hende por train. Durante di e training Henk Meijer tabata splica cada un di e atletanan kiko tur nan mester haci y kiko tur e ta spera for di nan y ya caba Henk Meijer a mira den e atletanan kende si y kende no.
Mirando cu ta diahuebs nan ta bringa, Henk Meijer a bisanan cu nan lo train tur dia menos diaranson, pasobra diaranson nan mester pisa pa diahuebs nan bringa. E unico cos fastioso cu ta sinta awor aki ta cu manera tur biaha tur 4 ta bringa ariba e mesun dia y probablemente pareu. Tin 5 veld cu tur dia ta bon ocupa cu bringamento. E Chuncheon Open di Korea ta wordo considera e Open di mas grandi cu tin na Asia y hopi Pais rond mundo ta opta pa bay Korea. Hopi Pais ta combina e Open di Korea cu camp training y campeonato su tras.
Henk Meijer a papia cu sr. Lee y a acorda e training na Seoul di dialuna otro siman y e atletanan di Brazil Taekwondo Stichting ta bay train tur dia menos diadomingo.