Brazil Taekwondo Stichting su atletanan di Train Hard Fight Smart cu ta na Korea bou guia di Henk Meijer a cuminsa cu nan prome training na Hangsheong
High School na SeoDaeMungoo Seoul, Korea.
Esaki ta parti di e plan di Korea, pasobra Zahyon Klabér a clasifica pa e Pan Americano y ta preparando pa su debatenan na Costa Rica. Henk Meijer ta tuma e training tur dia na serio, pasobra e meta grandi ta pa sigui score internacional y hisa e Bandera di Aruba na tur e campeonatonan di taya, manera e Pan Americano y despues na e Open di Costa Rica. Training aki na Seoul Korea no ta facil, pasobra e training ta parti den 3 training pa dia. Tur training ta diferente, pasobra nan ta train pa e parti mental, fisico y bringamento. E tres biaha campeon mundial y dos biaha medaya Olimpico Dae-Hoon Lee a studia y train na e High School aki. Bo por bisa cu e training na e High School aki ta uno militar, door di e estilo cu e ta wordo duna. Nan ta train un facet masha hopi biaha mes prome cu nan haci algo otro. Esaki ta pa sigura cu tur hende a compronde y haci e facet bon. Despues di training Henk Meijer a papia cu e atletanan y a trece pa dilanti e training di aña 2015 y esun awor di aña 2017.
