Diahuebs anochi e directiva di Brazil Taekwondo Stichting a reuni y Aaron Jacobs a splica tocante di e biahe di Surinam y con esaki a bay, como cu tabata e prome biaha cu e la biaha pa Surinam hunto cu e team.
Un team cu a bringa pa asina a logra gana e di 5 copa di TK5 na Surinam. Un record cu a bin ta logra cu e team di TK5 pa e di 5 aña consecutivo. Ya pa 5 aña caba ta scoge atletanan pa asina preparanan pa nan ta cla na tempo y bon prepara pa representa Aruba na grandi.
Awor lo manda un carta pa tur e otro scolnan di Taekwondo pa mira si nan interes ta Aruba of personal, pa asina por logra di forma un team dinamico pa e TK5 na Corsou na luna di November.
Surinam tabata un biahe hopi cortico, pasobra e team yega Surinam pa 1’or di mainta pa despues core un ora den e bus pa yega na e hotel y come y pepara pa drumi y pa atardi 6 ‘or cla pa bringa y despues e dia siguiente lanta 4’or di mainta pa asina bin bek Aruba.
Aruba tabata bon prepara door di e trainingnan cu a wordo duna na e atletanan pa asina por a logra locual ta logrando pa e di 5 aña caba. Esaki a bira un tradicion caba y e trainingnan no ta facil. Trainingsnan ta duro unda cu ta train pafor y paden, especialmente e training den aire liber cu ta papia di interval training.
Danica Delamore a splica tambe tocante di e deadline di e rifa di television y cu e plaka di esaki mester wordo entrega pa diabierna awor sin falta. Pa recauda fondo pa e stichting a bin cu e idea di rifa un television LG Flatscreen pa wak con esaki lo bay den luga di e car wash y BBQ, pasobra esakinan ta trece masha hopi trabou mes. E aña aki tin varios biahe ariba e plan y mester recauda fondo si kier logra yega na tur. E plan pa Korea ta cla caba y 6 atleta lo bay Korea pa participa na e Korea Open y na training. Alberto Klabér kier logra un biaha mas e maximo den medaya na Korea mescos cu na aña 2015 na unda cu a bolbe Aruba cu 8 medaya.
