Brazil ta drenta den penultimo siman di campaña electoral cu tiroteonan

(Infobae) – Brazil no a haya chens di recupera for di e debate den TV cu a tuma luga diadomingo ultimo entre e dos candidato presidencial Jair Bolsonaro y Luiz Inacio Lula da Silva unda nan a tira palabranan contra otro.

Dialuna ultimo den oranan di mainta e candidato pa gobernador di estado di Sao Paulo, Tarcisio de Freitas, den pleno campaña na Paraisopolis, un di e principal favela di repenti a bin topa cu un tiroteo. Tarcisio, di e Partido Republicano Brasileño (PRB) y ex-minister di Infrastructura di Bolsonaro, a sali ileso di e incidente igual cu e grupo cu tabata acompañ’e, entre nan periodistanan y fotografonan. E grupo tabata asisti na e inauguracion di un campus universitario di e favela.

Un di e agresornan a resulta herido unda Tarcisio a skirbi riba Twitter cu “Mi a wordo ataca pa casi 20 delincuente”, e actual gobernador Rodrigo Garcia a pidi un investigacion inmediato, Bolsonaro no a duna comentarionan di esaki. “Te ainda ta mucho trempan pa bisa si tabata un atentado. Nos tin cu compronde si tabata un accion aisla of si tabatin enfrentamento den e zona ey”.

E penultimo siman aki di campaña electoral a cuminsa cu violencia y no ta mucho claro loke por spera pa e siguiente dianan. Analistanan a bisa cu for di e debate nan por saca afo con e candidatonan ta bay move y kico ta e preguntanan cu ta keda.

E berdad ta cu a pesar di e frase “E pais di e futuro”, Brazil te awor a conta cu Lula y Bolsonaro den un pais cu ta di pasado, loke tabata den nan gobiernonan y di loke no ta bay den nan proximo mandato presidencial, den e cual e condicionnan geo-politico na nivel mundial ta dificil y hopi diferente cu binti aña pasa.

Den e debate, e dos candidato a usa apenas 5% di nan tempo y di nan palabranan nan a presenta pa Brasileñonan proposicionnan concreto y eventual di nan futuro gobierno, ademas a trata di informacion puntual y no un descripcion di un plan gubernamental.

Tambe, den e tempo ey Bolsonaro a cuestiona bek e funcionamento di mashinnan electronico calificando nan di ekiponan “antiguo di final di 90” y a ripiti cu e tema ey ta den man di forsa arma cu ta integra un comision di transparencia di Tribunal Superior Electoral, “tur cos ta vulnerabel, no ta existi un sistema electronico impenetrabel”.