(Infobae) – Den un rapport elabora pa Polis Federal di Brasil cu a ser manda pa Tribunal Supremo diaranson ultimo a yega na e conclusion cu e comportacion di presidente Jair Bolsonaro, no ta presenta “elementonan delictivo” den marco di e caso cu ta investiga cu posiblemente el a entremete den institucion policial.
E ex-minister di Husticia y di Siguridad Publico di Brazil y ex-hues Sergio Moro a presenta su renuncia na april di 2020 despues di acusa e presidente cu a entremete posiblemente cu fin “politico” den Polis Federal (PF) , unda e mandatario tabatin plania nombra un persona similar.
“E presidente a bisa mi cu e tabata kier pone un persona similar cu por a duna informacion, rapportnan di inteligencia. E papel di PF no ta di facilita e tipo di informacion ey”, Moro a adverti na e momento ey.
Oranan despues cu a publica e caso di e director di PF Mauricio Valeixo, Moro a confirma publicamente su negacion cu e decision aki, y cu a ser hiba personalmente na Bolsonaro durante un reunion priva.
Tambe, Moro a aclaria den contra di loke tabata parce un boletin oficial, e no a firma e retiro di e hefe di Polis y cu Valeixo tampoco a pone su funcion na disposicion di Bolsonaro, manera e presidente a sugeri den un mensahe na Twitter den cual a resalta e supuesto peticion aki.
E rapport elabora diaranson ultimo pa Polis Federal ta forma parti di e investigacion habri na 2020 pa Tribunal Supremo, cu ta un contesta di un pedido di Procuraduria General di Republica (PGR) door di e acusacionnan aki di interferencia menciona pa Moro, manera e corant ‘O Globo’ a señala.
Segun e hues di Supremo Celso de Mello, Bolsonaro a purba interferi politicamente den e casonan di Polis Federal cu tabata implica algun di su familiarnan, despues di nenga e acusacionnan na e Tribunal, na januari, ora e causa tabata cerca di caduca, e magistrado Alexandre de Moraes a prolonga e investigacion pa tres luna mas.
