(Infobae) – Dia 11 di october ultimo, comandante di Comando del Sur, Laura Richardson a emiti un alerta tocante e “intencion maligno” di Hezbollah y Iran tambe na Brazil y e posibilidad di atentadonan.

Brazil ta un pais den riesgo na e momentonan aki pa atentadonan tanto di celulanan drumi (‘sleeper cells’) como di otronan solitario, pero tambe como un posibel plataforma logistico pa atentadonan na otro paisnan di Latino America y/of Merca pa financiamento di terorismo.

E mapa di teror na Brazil ta extenso y lamentablemente tin precedentenan importante. E celebro di atentadonan na Twin Towers na New York, Khalid Shiekh Mohammed y e mesun Osama Bin Laden a bay Brazil prome cu e atentadonan aki, na Tripel Frontera. E pais tambe a ser utilisa pa Iran y Hezbollah pa prepara e atentadonan na Buenos Aires na 1992 contra embahada di Israel y na 1994 contra Asociacion Mutuo Israeli Argentina (AMIA) den cual 107 persona a muri y centenares a resulta herido.

Den transcurso di añanan, Brazil a atrae terorista di varios pais y grupo, for di Al Qaeda te cu ISIS, cu tambe ta dispuesto pa drenta den guera contra Occidente, manera a anuncia for di nan cuartel general na Medio Oriente. Na Brazil, e rednan aki ta uni na un scenario den cual tambe tin foconan di neonazismo y derecha extremo cu a bin creciendo den ultimo añanan. Sinembargo, for di e atake di 7 di october na Israel na man di Hamas – considera como un organisacion terorista pa Merca, Europa y hopi pais, pero no pa Brazil, igual cu Hezbollah – riba rednan social Brasilero a explota un ola di antisemitismo sin precedente, cu incluso a yega defini Hitler como “un visionario”, den un negociacion total di historia.

E fenomeno aki ta core e riesgo di bira un tereno peligroso cu por cende accionnan terorista, manera ta sucediendo na Europa.

Den ultimo dianan e partido di Lula da Silva, Partido di Trahadonan (PT) a ataca Israel y su representantenan diplomatico na Brazil, bisando cu “Israel no tin moral pa papia di derechonan humano,” loke ta indica tension. Tambe a sali publica un entrevista bieu di Lula da Silva, den cual Lula a haya e pregunta di ken ta e personahe famoso cu a inspir’e, pa locual Lula a contesta “Hitler.”

Otro vulnerabilidad cu por cende e candela di terorismo, ta e dobel discurso di autoridadnan Palestino, mientras Abu Mazen a bisa mundo cu Hamas no ta representa e pueblo Palestino, e declaracionnan na Brazil tin un stem diferente na unda cu Abdel Abu Hwas, miembro di Conseho Nacional Palestino di Organisacion pa Liberacion di Palestina (OLP) cu for di añanan caba ta biba na Brazil, dos dia pasa a declara na un programa di radio cu “loke Hamas ta bin haciendo ta conta cu e pleno aprobacion di e pueblo Palestino, ta un organisacion cu ta lucha pa su libertad, pa libera su patria, den legitimo defensa di su pueblo.”

Ademas, 11 di september ultimo, e vice-presidente Geraldo Alckmin den funcion di presidente di republica a decreta un acuerdo “di cooperacion tecnico” cu Palestina. E parti cu ta hala atencion ta cu e acuerdo aki ta di 2010, ora a ser firma pa e mesun Lula, den su di dos mandato, durante su bishita na Ramala. Despues di 13 aña, ni sikiera un luna prome cu atake di Hamas contra Israel, Brazil a dicidi di decreta esaki back.